Menu principal

Menu principal

Anfafad bu uqacuc: Tiɣri i yiɣermanen akken ad qadren aqader d ummid n wakaten n uḥezzeb

Yeffeɣ-d ass n : Akras, 25 Meɣres 2020 12:21   Ɣran-t : 0 n tikkal
Anfafad bu uqacuc: Tiɣri i yiɣermanen akken ad qadren aqader d ummid n wakaten n uḥezzeb

LEZZAYER TAMANEƔT – Tger-d tiɣri tesmilt n teftawt, ass n usamas, i yiɣermanen akken ad qadren aqader d ummid akaten n uḥezzeb ay ɣetsen yiduba unṣiben ay terza temsalt deffir umhaz arurad n unfafad bu uqacuc.

 

« Deffir umhaz arurad n unfafad bu uqacuc yernu deg ukatar n yiɣtasen n yimazzagen ay d-yesseknen dakken takaɣreft-a tzerreɛ s tɣawla d unṭaḍ ay ineṭṭeḍ waḍḍan-a ɣef lǧal n umregraw d unermis afekkan gar yimdanen, d lewṣayat n ccariɛa deg wayen yerzan aḥraz n tmeddurt d uḥezzeb i s kra n wayen ara tt-yerren deg umihi, yessefk, seg yidis n ccariɛa, ad ssinfen yiɣermanen i wakk imsegrawen inagduden neɣ usligen, am tmeɣriwin n tissulya, timeḍlin, tirezzaf ɣef twacult, tirzi ɣef yimuḍinen d yimsegrawen niḍen ay izemren ad zerɛen takaɣreft-a », ɣef wakken ay d-tenna tesmilt-a deg yiwen n ulɣu.

Tasmilt-a tesmekti-d daɣ dakken « akwac d abekkaḍ ameqran », yernu teckeṛ-d tamsetlelt ay d-yellan sɣur yimsenza am wakken ay tesḥassef ɣef tiddit n kra seg-sen ay yumden tagnit-a taweɛṛant akken ad ssaɣlin ilzazen-nsen yernu ad ssenzen ilzazen udɣilen.

Deg tegnit-a taweɛṛant, « neggar-d tiɣri i wakk iɣermanen akken ad myallen yernu ad msetlalen ugar, am wakken ay nettarra tajmilt i wussisen n uwanak i uḍman n tillin n yilzazen d ugdal n ukwac », ɣef wakken ay d-terna tesmilt-a.

Teckeṛ-d daɣ tesmilt « imsenza ay yettekkan deg userked n watigen d tukksa n uɣbel i yiɣermanen », yern tesnemmer « ussisen imeqranen n tfekka tasnajyant d yigmanen yemgerraden n tɣellist d umesten aɣarim ay yesseḥbibiren akk ɣef tɣellist n yiɣermanen deg tegnit-a taweɛṛant. »

 

Last modified on Akras, 25 Meɣres 2020 12:24
Anfafad bu uqacuc: Tiɣri i yiɣermanen akken ad qadren aqader d ummid n wakaten n uḥezzeb
  Yeffeɣ-d ass n : Akras, 25 Meɣres 2020 12:21     Taggayt : TIMETTI     Ɣran-t : 0 n tikkal   Bḍu