Menu principal

Menu principal

Amennuɣ mgal yisehwa n ubrid: Tiɣri i tsuddest d tamellilt aydeg ara ttekkin akk yigzumen

Yeffeɣ-d ass n : Akwas, 27 Fuṛaṛ 2020 14:43   Ɣran-t : 0 n tikkal
Amennuɣ mgal yisehwa n ubrid: Tiɣri i tsuddest d tamellilt aydeg ara ttekkin akk yigzumen

LEZZAYER TAMANEƔT – Wekkden-d yimedrawen deg yiwen n wass n tezrawt ɣef tɣellist tabridant, ass n ukras deg Lezzayer Tamaneɣt, dakken amennuɣ mgal yisehwa n ubrid ur yerzi ara kan tifekkiwin n tɣellist yernu yeḥwaj aheyyi n tesnuddest d tamellilt aydeg ara ttekkin akk yigzumen.

Imedrawen deg tedyant-a ay tessuddes Tesmilt n Umesni, Tuzzna d Tliɣwalt n Ugraw Aɣerfan Aɣelnaw, gren-d tiɣri i usdukkel n taddadanin n yisehwa n ubrid d-yettekken seg yiɣallen yemgerraden n tɣellist, imeẓla n umesten aɣarim d yimeẓla idawsanen i usbadu n tmuɣli tameẓrilawt ara d-yafen tifratin d timellilin i uqabel n « tremɣa n yibriden ».

I lmend n waya, gren-d tiɣri i useqdec n tesnatwilin timaynutin deg usefrey n yiɣermanen yellan deg umihi deg yibriden d usugget n tedwiin n usileɣ deg tallalt tamenzut.

Imedrawen wekkden-d daɣ ɣef tḍullit n useɣnew n wammasen isnajyanen « yemmuzzgen » deg wakk tiwilayin i tgermant d tamellilt mi ara d-ilin yisehwa n ubrid yernu, s waya, amagus ur t-ttawin ara seg usegnaf ɣer wayeḍ.

I usenqes n umḍan n yisehwa, yessefk ad tettwacegger tukci n tisemt i yiɣerbazen n tenhaṛt am wakken ay tessefk iɣerbazen-a ad sseqdacen ahilen itraren n usileɣ, ɣef wakken ay d-yenna udunemhal n taddadanin n Tmehla Tamatut n Umesten Aɣarim, Aknaner Achour Farouk.

Iger-d daɣ tiɣri i ucegger n wahilen n usileɣ n yinehhaṛen n yisakalen d yikamyunen, ladɣa wid ay yessawaḍen ifarisen imihawen.

Iḥettet-d daɣ umasay-a ɣef tḍullit n usejhed n usefqed atwilan n yimseddayen ay yessefken ad qadren tigna n tɣellist, am wakken ay d-yerna dakken yessefk ad ttwasqeɛden yibriden ɣef leḥsab n tegna tigraɣlanin, ladɣa deg wayen yerzan igalisen imi aya yessenqas s waṭas isehwa n ubrid.

 

Last modified on Aynas, 02 Meɣres 2020 15:56
Amennuɣ mgal yisehwa n ubrid: Tiɣri i tsuddest d tamellilt aydeg ara ttekkin akk yigzumen
  Yeffeɣ-d ass n : Akwas, 27 Fuṛaṛ 2020 14:43     Taggayt : TIMETTI     Ɣran-t : 0 n tikkal   Bḍu