Menu principal

Menu principal

Amyiger aɣelnaw amezwaru n umennuɣ mgal n tigawin n tekriḍt : Yessefk ad yili useɣnew n wammas aɣelnaw yemmuzgen

Yeffeɣ-d ass n : Akwas, 20 Fuṛaṛ 2020 13:15   Ɣran-t : 0 n tikkal
Amyiger aɣelnaw amezwaru n umennuɣ mgal n tigawin n tekriḍt : Yessefk ad yili useɣnew n wammas aɣelnaw yemmuzgen

SḌIF – Imttekkiyen deg umyiger aɣelnaw amezwaru ɣef "tsetratijiyin n umennuɣ mgal tigawin n tekriḍt", yekfan ass n ukras (larebɛa) deg Sḍif, zzirgen-d ɣef wakken yessefk ad yettwaseɣnew yiwen n wammas aɣelnaw n tegt-mezzugt i umennuɣ, aɛeggen akked useji n waṭan-a i d-yekkan seg teẓramnaḍt akked yinaw n lkerh.

Imttekkiyen deg umyiger-a i d-yeḍran deg wammas n yimzal ussnanen El Bez ɣran-d i wakken ad temlilt tameqqrant deg wayen yerzan irmuden n tsuda yettmahalen deg uqabel n waṭan-a, amsaka n tiɣɣermi tumḍint yersen ɣef ulday asnatwilan akked uḥareb ɣef tmezgiyin tiɣelnawin akked usinneɣ n yinaw n lkerh deg wanternet s usmaynu awalan n yisaḍufen.

Ɣdebban daɣen ɣef uxatar n uberreḥ azerfan akked usissen i uɣerman n yiḥricen yerzan tinnɣi deg wanternet akked wazalen n uqader tanḍa tadelsant, tasnilsant, tasertant, tasnaktant, taniri akked tmasɣant akked uzref n umgared rnan ɣran-d i ufares n ugbur umḍin asensegman akked yimzal.

Imuhal n wass aneggaru n umyiger ḍran-d deg tnemsal tisnetlanin ɣef tetwilin n useji awaculan i umennuɣ mgal takriḍt, titwilin n usmuzget i wakken ad niqrib ɣer yilemẓiyen akked useji n tegrawt mgal n tekriḍt.

Almend n waya, Amsuji Hamza Laazazga n tesdawit n Sḍif-2 yettwali dakken takriḍt yellan deg yinaw n lkerh, n teẓririt akked teẓramnaḍt d ayen yellan d awedani ɣer tmetti tazzayrit yellan deg wansayen-is tettqadar akk isegren-is.

Yerna yettwali daɣen dakken nezmer ad nennaɣ mgal waṭan-a amaynu s tsetratijiyin iwulmen i umennuɣ akked uḥezzeb.

Iswi n umyiger-a n kraḍ wussan, i d-yesgerwen isdawanen akked yimazzagen n Sḍif, Tabatent akked Qsenṭina, d asmagi n tmentilin n waṭan n tekriḍt, talɣiwin i yes-s d yettban ɣur yilemẓiyin akked tsetratijiyin i yessefken ad ten-neg i uḥezzeb-is, i d-yenna unemhal n Tuddsa n temṣukin n yilemẓiyen (ODEJ), Nacer Fadeli.

Amyiger-a yessuddes-it d acrik gar Tuddsa n temṣukin n yilemẓiyen (ODEJ), tiddukla talɣut akked teɣwalt deg tlemmast n yilemẓiyen akked tnaremt n yisnasen isnimanen deg tlemmast n tkurmutin n tesdawit n Tbatent.

Last modified on Asamas, 23 Fuṛaṛ 2020 17:02
Amyiger aɣelnaw amezwaru n umennuɣ mgal n tigawin n tekriḍt : Yessefk ad yili useɣnew n wammas aɣelnaw yemmuzgen
  Yeffeɣ-d ass n : Akwas, 20 Fuṛaṛ 2020 13:15     Taggayt : TIMETTI     Ɣran-t : 0 n tikkal   Bḍu