Menu principal

Menu principal

Amennuɣ mgal tehyufin: Mennaw n temhal ay d-yellan deg twilayin yemgerraden

Yeffeɣ-d ass n : Asinas, 18 Fuṛaṛ 2020 13:59   Ɣran-t : 0 n tikkal
Amennuɣ mgal tehyufin: Mennaw n temhal ay d-yellan deg twilayin yemgerraden

LEZZAYER TAMANEƔT – Tubeẓ temsetla taɣelnawt mennaw n yimdanen yernu teṭṭef tinectiwin yemgerraden n yisafaren n leɛqel deg temhal ay tga tdeg twilayin yemgerraden n tmurt, deg ukatar n umennuɣ mgal tehyufin, ɣef wakken ay d-yenna, ass n uynas (letniyen), yiwen n ulɣu n tfekka-a n tɣellist.

Deg twilayt n Temsilt, ubẓen yimestulen sin n yimdanen yesɛan 29 d 47 n yiseggasen, deg yiɣrem n Leqṭaṭca, deg tɣiwant n Ddhahna, yernu ufan deg ukamyun-nsen 80 n yiqenṭaren n wafriwen n ugamam ay d-wwin war aseklas n tnezzut wala tafatuṛt.

Imestulen n unegraw agelluyan n Leblida ubẓen, deg yiwet n tmezzayt ay gan deg tnigert n Seddouk, deg tɣiwant n Lɛefṛun, yiwen n yilemẓi n 23 n yiseggasen wuɣur ufan 102 n tɛeqqacin n leɛqel n tmeṛka n Edgar.

Deg Tbatent, ubẓen yimestulen, deg ubrid aɣelnaw wis 78 gar Tbatent d Sḍif, deg tlemmast n temdint n Gigba, yiwen n umdan yesɛan 28 n yiseggasen, yezdeɣ deg tɣiwant n Ṛas Leɛyun, yella yewwi-d akilugṛam n wureɣ d 6 n yikilugṛamen n uẓref ur yeḍbiɛen.

Imestulen n unegraw agelluyan n Tibest ubẓen sin n yimdanen yesɛan 23 d 27 n yiseggasen, zedɣen deg sin deg tɣiwant n Ḥemmamat, deg yiwet n tmezzayt deg ubrid aɣelnaw wis 16, gar Tibest d Wad Suf, ɣer tuffɣa n unẓul n Ṣefṣaf Lwesra, wwin-d yid-sen 4000 n tqerḍasin n yigeṛṛuten iwerdaniyen n tmeṛkiwin yemgerraden yernu d wid ay d-yekkan seg usetti.

Deg Bgayet, ṭṭfen yimestulen n unegraw agelluyan, deg yiwet n tenqiḍt n usefqed deg ubrid aɣelnaw wis 26, gar Bgayet d Tubiret, deg tɣiwant n Uqbu, sin n yimdanen yesɛan 28 d 54 n yiseggasen, zedɣen deg tɣiwant n Gemmaṛ (Wad Suf), wwin-d yid-sen, deg yiwen n ukamyun, 16.020 n tbeṭṭiwin n tissitin tiɣismanin n tmeṛkiwin tiwerdaniyin war  aseklas n tnezzut, wala tifatuṛin.

 

 

Last modified on Akwas, 20 Fuṛaṛ 2020 15:15
Amennuɣ mgal tehyufin: Mennaw n temhal ay d-yellan deg twilayin yemgerraden
  Yeffeɣ-d ass n : Asinas, 18 Fuṛaṛ 2020 13:59     Taggayt : TIMETTI     Ɣran-t : 0 n tikkal   Bḍu