Menu principal

Menu principal

Adrar: agzum n temsetlelt yesseḥbibir ɣef tallalt n teɣtas n warramen iɣwawanen deg unẓul

Yeffeɣ-d ass n : Asimwas, 14 Fuṛaṛ 2020 15:12   Ɣran-t : 0 n tikkal
Adrar: agzum n temsetlelt yesseḥbibir ɣef tallalt n teɣtas n warramen iɣwawanen deg unẓul

ADRAR – Twekked-d tneɣlaft n temsetlelt taɣelnawt, Kaoutar Krikou, ass n ukwas (lexmis) deg Reggan (150 n yikilumitren deg unẓul n Udrar), dakken agzum-nnes yesseḥbibir ɣef tallalt n teɣtas n warramen iɣwawanen ay tga Fṛansa tahersant deg unẓul azzayri.

Deg wawal-nnes i lmend n usfugel n umulli wis 60 n warramen iɣwawanen ifṛansiyen deg Reggan, taneɣlaft tenna-d dakken yettunefk wazal i yimeɛdaṛ yellan d tiɣtas n warramen-a s udhal s tekfiwin tidrimanin d tduli tanmettit.

Tekcef-d daɣ dakken atan yettili-d wuddun amakki n teɣtas n warramen-a deg wakk timnaḍin n wakal aɣelanw.

Deg wayen yerzan tikfi n temsetlelt i yimeɛdaṛ, gar-asen tiɣtas n warramen iɣwawanen, tenna-d tneɣlaft dakken ttwamṛent tesmiklin n twilayin yemmuzzgen deg waya akken ad ceggrent aktamur n timmeɛdeṛt n yimdanen-a akken ad asen-rnun tikfi-nsen yernu ad taweḍ ɣer 10.000 n yidinaṛen ma yella timmeɛdeṛt-a tedda d tewtilin n tanaḍt yeqqnen ɣer waya.

Deg wayen yerzan isenfaren yettwawehhan i taggayin tuṛhifin, tesfaydi-d twilayt n Udrar seg 850 n yisenfaren deg ukatar n umetwi n usmad amecṭuḥ, am wakken d-tesfaydi, daɣ, seg 50 n yisenfaren niḍen yerzan takerrazt i lfayda n wid ixuṣṣen deg tɣiwant n Reggan d 6 n yisenfaren yerzan irmuden n tnafut tamatut.

Teckef-d tneɣlaft, deg temsalt-a, dakken aɣlif-nnes yettmahal, s umyalel d yiduba idiganen i lmend n udhal n taggayin tuṛhifin d yimeɛdaṛ akken ad ttekkin deg tigawt n usnegmu.

 

Last modified on Asamas, 16 Fuṛaṛ 2020 14:37
Adrar: agzum n temsetlelt yesseḥbibir ɣef tallalt n teɣtas n warramen iɣwawanen deg unẓul
  Yeffeɣ-d ass n : Asimwas, 14 Fuṛaṛ 2020 15:12     Taggayt : TIMETTI     Ɣran-t : 0 n tikkal   Bḍu