Menu principal

Menu principal

Ilul-d Uẓeḍḍa n « Aɣtas d Aɣtas-nnek » i usemyuddes gar tiddukliwin d tuddsiwin tiɣelnawin

Yeffeɣ-d ass n : Akras, 12 Fuṛaṛ 2020 13:48   Ɣran-t : 0 n tikkal
Ilul-d Uẓeḍḍa n « Aɣtas d Aɣtas-nnek » i usemyuddes gar tiddukliwin d tuddsiwin tiɣelnawin

LEZZAYER TAMANEƔT – Caren-d, ass n uynas (letniyen) deg Lezzayer Tamaneɣt, yiwet n tallunt n usemyuddes gar mennaw n tiddukliwin d tuddsiwin tiɣelnawin, d tin umi semman Aẓeḍḍa n « Uɣtas d Aɣtas-nnek ».

Deg yiwen n ulɣu ay d-ssuffɣent 20 n tiddukliwin, tuddsiwin, tidikliwin d yimussa, tella-d yiwet n temlilit gar 8 d 9 Fuṛaṛ i usekyed n « usemyuddes » n wussisen d « usejhed » n unmireg, ladɣa deg wayen yerzan timsal tiɣelnawin, yernu d aya ay yessawḍen ɣer useɣnew n uẓeḍḍa n « Aɣtas d Aɣtas-nnek ».

Iswi n uẓeḍḍa-a d attekki deg wussisen n tsuda yemgerraden n uwanak i uḥraz n yiksaben iɣelnawen, ladɣa taɣellist d urkad, asejhed n terni tagensitn d uskater n uskasi aɣelnaw i tmeṣkiwt n Lezzayer tamaynut.

Yella-d daɣ waya i uttekki deg yicanṭiyen yemgerraden n tsemmeskelt, ladɣa tamenḍawt, asejhed n llsisan n tdukli taɣelnawt d wuẓu n wazalen imẓerwambren d usefrey ɣef tuggziwin yettḥakaṛen tadukli taɣelnawt d tenmettit.

Aẓeḍḍa-a d win ara imahlen, ɣef leḥsab n wid ay t-id-yesɣenwen, ɣef usebɣes n tmetti taɣarimt akken ad tili d tadusi n usumer, am wakken ara yeẓẓu idles n usirem d uttekki deg wussisen iɣelnawen n usnegmu, ladɣa gar yilemẓiyen, am wakken ara ttareẓment tallunin d tnemsal n uskasi ɣef temsal yeqqnen ɣer usnummed n yilemẓiyen deg tdinamit n usfar d unegmu am useɣnew n teṛmisin n tesnatwilin timaynutin ara yilin d allal n useɣnew n tbaɣurt, asemres d usumer n yisenfaren deg unrar-a i yiduba inagduden.

Iswi niḍen n tsentayt-a d amahel i lmend n usedrew n tmetti taɣarimt deg wussisen n tdiplumatit tazzayrit i uḥraz n tnaya d tɣellist taɣelnawt.

Aɣbalu-a iwekked-d dakken « tawwurt tettɣimi terẓem » i wakk imeggiyen n tmetti ay yettamnen s yiswiyen-a yernu ssaramen ad ttekkin deg usekmem-nsen.

Aẓeḍḍa-a ay igan timlilit-nnes deg Umsegraw n Tillumẓa Tazzayrit yernu ttekkant deg-s mennaw n tuddsiwin am Unmager Azzayri n Yikataren d Usmal n Yilemẓiyen, Tuddsa Tazzayrit n Twennaḍt d Tiɣɣermi, Tuddsa Taɣelnawt n Tillumẓa d Tmerrit, Amussu Aɣelnaw n Yimezrawen Izzayriyen, Tuddsa Taɣelnawt n Temsetlelt Tamezrawant d Tuddsa Tazzayrit n HAWA i Usmal n Twacult.

 

Last modified on Asimwas, 14 Fuṛaṛ 2020 15:15
Ilul-d Uẓeḍḍa n « Aɣtas d Aɣtas-nnek » i usemyuddes gar tiddukliwin d tuddsiwin tiɣelnawin
  Yeffeɣ-d ass n : Akras, 12 Fuṛaṛ 2020 13:48     Taggayt : TIMETTI     Ɣran-t : 0 n tikkal   Bḍu