Menu principal

Menu principal

Isehwa n ubrid: Tiɣri i usugget n uḥezzeb d usefrey

Yeffeɣ-d ass n : Asinas, 11 Fuṛaṛ 2020 12:52   Ɣran-t : 3 n tikkal
Isehwa n ubrid: Tiɣri i usugget n uḥezzeb d usefrey

TLEMSAN – Deg wass n uselɣu ɣef yisehwa n ubrid ay d-yellan ass n uynas (letniyen) deg Tlemsan, gren-d tiɣri yimttekkiyen i wakk igzumen ay terza temsalt n uḥezzeb d tɣellist tabridant akken ad ssuggten ussisen n usefrey, asaki d usnas n usaḍuf akken ad neqsen yisehra-a ay igellun s waṭas n tmeddurin yernu sseḥzanent, yal ass, acḥal n twaculin.  

Ass-a n uselɣu ssuddsne-t deg tesɣimt n Ugraw Aɣerfan n Twilayt n Tlemsan yernu d win aydeg ay d-wekkden yimttekkiyen ɣef timmaglit n tarat-a ay yezgan trennu yernu tgellu s wugar n tmeddurin deg Lezzayer.

S waya, gren-d tiɣri i yimgermanen yemgerraden n tɣellist tabridant, am temsetla taɣelnawt, taɣellist taɣelnawt, amesten aɣarim, agzum n umesni d yimahilen inagduden d umussu n tiddukliwin akken ad ssuggten ussisen deg wayen yerzan aḥezzeb, ladɣa s ubrid n tigawin n usefrey.

Deg twilayt n Tlemsan, kelsen-d 730 n yisehwa aydeg mmuten 54 n yimdanen yernu ugsen 900 n wiyaḍ deg 2019, ɣef leḥsab n taddadanin ay d-tqeddem temsulta d temsetla deg wass-a n uselɣu.

Ma d awali n Tlemsan, Amoumene El Mermouri, ay yesselwin ass-a n uselɣu, iger-d tiɣri i wakk icriken d wakk igzumen ay terza temsalt akken ad begsen i usenqes n twaɣit-a.

Seg yidis niḍen, smetren-d yimttekkiyen daɣ asugget n yigalisen isussnanen i ucaɣli n yinehhaṛen ɣef tenqiḍin tiberkanin d wasunen imihawen aydeg nnummen ttilin-d yisehwa, am wakken ay yessefk ad ssinyen igalisen n ubrid ay yessefk ad qadren tigna yerzan aya.

Ssumren-d daɣ yimttekkiyen attekki n teṛmisin n usenkid deg tḥemliwin n usefrey, am wakken ay d-smetren aṣeggem n yibriden ixeṣren, asugget n usefqed atwilan d uḥezzeb i udɣal n tsawiyin n usenfel n yimseddayen.

 

Last modified on Akras, 12 Fuṛaṛ 2020 13:49
Isehwa n ubrid: Tiɣri i usugget n uḥezzeb d usefrey
  Yeffeɣ-d ass n : Asinas, 11 Fuṛaṛ 2020 12:52     Taggayt : TIMETTI     Ɣran-t : 3 n tikkal   Bḍu