Menu principal

Menu principal

Aciri n terkeft n temsetlelt d temnaḍin tuggigin n Temsilt d Lbuṛj Buɛṛiṛij

Yeffeɣ-d ass n : Asamas, 09 Fuṛaṛ 2020 10:53   Ɣran-t : 0 n tikkal
Aciri n terkeft n temsetlelt d temnaḍin tuggigin n Temsilt d Lbuṛj Buɛṛiṛij

LEZZAYER TAMANEƔT – Icar uneɣlaf n yiweẓla isɣananen, Youcef Belmadi, ass n usiḍyas (ssebt) deg Lezzayer Tamaneɣt, tirkeft n temsetlelt i lfayda n taggayi ixuṣṣen deg twilayin n Temsilt d Lbuṛj Buɛṛiṛij.

Tirkeft-a caren-tt seg tmesgida n Ṛṛeḥma deg Lḥamiz (agmuḍ n Lezzayer Tamaneɣt) yernu ad d-tekk ɣef snat n twilayin n Temsilt d Lbuṛj Buɛṛiṛij akken ad tessedger din učči, tiduliwin d yiseẓɣalen i 600 n twaculin ixuṣṣen deg yiɣerman, idewwaṛen d temnaḍin tidraranin.

Tirkeft-a yessuddus-itt yal aseggas uɣlif n yiweẓla isɣananen yernu tella-d deg ukatar n uɣawas aɣelnaw yerzan akk tiwilayin n tmurt i temsetlelt d taggayin ixuṣṣen deg temnaḍin tuɣḍisin.

I lmend n waya, yerra tajmilt uneɣlaf n yiweẓla isɣananen i temlilt n yilemẓiyen iwiziwen ay yettekkayen deg tallalt n yimdanen ixuṣṣen d tsentayin ayɣef d-yettweṣṣi uselway n tegduda, Abdelmadjid Tebboune, am wakken ay yessaram ad ggtent tsentayin-a ay d-yesskanayen tamsetlelt d tdukli n uɣref azzayri.

 

Last modified on Aynas, 10 Fuṛaṛ 2020 11:36
Aciri n terkeft n temsetlelt d temnaḍin tuggigin n Temsilt d Lbuṛj Buɛṛiṛij
  Yeffeɣ-d ass n : Asamas, 09 Fuṛaṛ 2020 10:53     Taggayt : TIMETTI     Ɣran-t : 0 n tikkal   Bḍu