Menu principal

Menu principal

Isehwa n ubrid: 11 ay yemmuten, ugsen 33 deg 24 n yisragen

Yeffeɣ-d ass n : Akwas, 06 Fuṛaṛ 2020 13:56   Ɣran-t : 0 n tikkal
Isehwa n ubrid: 11 ay yemmuten, ugsen 33 deg 24 n yisragen

LEZZAYER TAMANEƔT – Mmuten 11 n yimdanen, ugsen 33 deg 8 n yisehwa n ubrid ay d-yellan deg 24 n yisragen ineggura deg tmurt, ɣef wakken ay d-tebder tecrawt n umesten aɣarim ass n ukras (ttlata).

Tacrawt tameqrant akk tella-d deg twilayt n Suq Ahṛas anda ay mmuten 7 n yimdanen, ugsen 20 niḍen, mi yetti yiwen n usakal n umesni n yimsiklen yetteddun gar Suq Ahṛas d Ɛennaba. Asehwu-a yella-d deg ubrid aɣelnaw wis 16, deg Buleḥṛac, deg tɣiwant n Mecṛuḥa, ɣef wakken ay d-yenna uɣbalu-a.

Deg tallit-a, daɣ, diwan yimeẓla n umesten aɣarim, deg Sḍif d Tbatent, 5 n yimdanen ay yenneqmaḍen seg umuniksid n ukaṛbun ay d-yeffɣen seg yiseẓɣalen-nsen deg uxxam.

Seg yidis niḍen, yessaweḍ umesten aɣarim 35 n yimezrawen ɣer usegnaf n Ceɛbet Lɛamer, deg twilayt n Bumerdas, deffir ma yenneqmaḍ deg-sen nnefs ɣef lǧal n ukafuṛ ay sraḥen deg yiɣerbazen ilemmasen n Ibn-Badis d Buzeɛṛuṛ, ɣef wakken ay d-yenna ulɣu-a.

 

Isehwa n ubrid: 11 ay yemmuten, ugsen 33 deg 24 n yisragen
  Yeffeɣ-d ass n : Akwas, 06 Fuṛaṛ 2020 13:56     Taggayt : TIMETTI     Ɣran-t : 0 n tikkal   Bḍu