Print this page

Tuttya n yiwen n usakal n yimsiklen deg Suq Ahṛas: 8 ay yemmuten, ugsen 22

Yeffeɣ-d ass n : Akras, 05 Fuṛaṛ 2020 13:42   Ɣran-t : 4 n tikkal
  • Bḍu
Tuttya n yiwen n usakal n yimsiklen deg Suq Ahṛas: 8 ay yemmuten, ugsen 22

SUQ AHṚAS – Tam n yimdanen ay yemmuten, ugsen 22 n niḍen ass n usinas (ttlata), mi yetti yiwen n usakal n umesni n yimsiklen deg tɣiwant n Mecṛuḥa (Suq Ahṛas), ɣef wakken ay aɣ-d-txebber tmehla tadigant n umesten aɣarim.

Asehwu-a akesnan yella-d deg ubrid aɣelnaw wis 16, deg Belleḥṛec, d win aydeg yetti yiwen n usakal n umesni n yimsklen yessawaḍen medden gar Suq Ahṛas d Ɛennaba mi yemzellew ɣef ubrid, ɣef wakken ay d-yenna uɣbalu-a.

Tifekkiwin n teɣtas wwin-tent ɣer umeẓlu n waggaẓ n tfekkiwin n usegnaf amnaḍan n Suq Ahṛas, ma d imagusen, wwin-ten ɣer usegnaf-a, am wakken ay wwin kra seg-sen ɣer usegnaf asdawan n Ibn Ṛucd n Ɛennaba.

Awali n Suq Ahṛas, Lounes Bouzegza, yerza ɣef udeg n umahil akken ad yetter ɣef tegnit n ubdad i teɣtas.

Tamehla tadigant n tdawsa tessebges-d akk ammaken inganen d yilsanen akken ad d-telhu s teɣtas akken iwata, ɣef wakken ay d-tenna tmehla-a.

Dindin kan tettwarẓem tsestant akken ad d-afen ssebbat n tidet ay yessawḍen ɣer usehwu-a.

 

 

Last modified on Akwas, 06 Fuṛaṛ 2020 13:58
Tuttya n yiwen n usakal n yimsiklen deg Suq Ahṛas: 8 ay yemmuten, ugsen 22
  Yeffeɣ-d ass n : Akras, 05 Fuṛaṛ 2020 13:42     Taggayt : TIMETTI     Ɣran-t : 4 n tikkal   Bḍu