Menu principal

Menu principal

Yessefk ad yili usmal n tigawt n tiddukliwin i uttekki deg lebni n Lezzayer n uzekka

Yeffeɣ-d ass n : Asamas, 02 Fuṛaṛ 2020 15:12   Ɣran-t : 0 n tikkal
Yessefk ad yili usmal n tigawt n tiddukliwin i uttekki deg lebni n Lezzayer n uzekka

LEZZAYER  TAMANEƔT – Aselway n usumer ‘’lebni n uzekka’’, aneɣlaf anmazul yettwakelfen s Usiḍen akked Tesnazert, Bachir Messaitfa yeɣdebba, ass n usiḍyas (ssebt), ɣef wakken yessefk ad nesseǧhed ad nernu ad nesmel tigawt n tiddukliwin i uttekki deg lebni n Lezzayer n uzekka s yiwet n tmuɣli n tesnazert ara yessiwḍen s aseḍru n usnefli adamsan amatu deg teɣula yemgerraden.

Yemmeslay-d deg yiwet n tfugla n umulli wis 5 n uciri n usummer-a, yezzireg-d Mass Messaitfa ɣef wakken yessefk ad yili uttekki n wakk iḥricen n tmetti, dɣa timetti taɣarimt i ‘’usemzel n yiwen n ubeddel yelhan seg yiẓuran deg teɣula yemgerraden (adamsan, anmetti, adelsan, amerran, asegman, adawsan akked waddalan), akked useɣnew n teṛmisin n tesnatwilin timaynutin s uɣdebbu ɣef tɛessast akked tesnazert i wakken ad nebnu yiwet n Lezzayer tamaynut n usirem’’.

Yesmekti-d tuɣdaḍt akked temlilt n usummer-is, yeẓẓan tura deg 15 n yigezda, Mass Messaitfa yules-d i ‘’waddud-is i wakken ad yessihrew tihawt-is deg wakal akk n tmurt deg yiseggasen i d-iteddun’’.

Last modified on Asinas, 04 Fuṛaṛ 2020 12:16
Yessefk ad yili usmal n tigawt n tiddukliwin i uttekki deg lebni n Lezzayer n uzekka
  Yeffeɣ-d ass n : Asamas, 02 Fuṛaṛ 2020 15:12     Taggayt : TIMETTI     Ɣran-t : 0 n tikkal   Bḍu