Menu principal

Menu principal

Yessefk uzenziɣ aɣelnaw n umesni i usenqes n yisehwa n ubrid

Yeffeɣ-d ass n : Aynas, 27 Yennayer 2020 13:57   Ɣran-t : 3 n tikkal
Yessefk uzenziɣ aɣelnaw n umesni i usenqes n yisehwa n ubrid

LEZZAYER TAMANEƔT – Yenna-d uselway n Tfidiṛalit Taɣelnawt n Umesni n Yimsiklen d Yilzazen, Abdelkader Boucherit, ass n usamas (lḥedd) deg Lezzayer Tamaneɣt, dakken yessefk umzenziɣ aɣelnaw n umesni i lmend n usenqes n umḍan n yisehwa n ubrid ay yeqqlen d tawaɣit, tagara-a.

Deg yiwen n usarag n tɣemsa ɣef uxeṣṣar n yisehwa n ubrid d tsemsedda ay yessefken ad ttwaddment i lmend n uḥbas-nsen, yenna-d uselway n tfidiṛalit-a, yeqqnen ɣer Tdukli Tamatut n Yimsenza d Yinḍen Izzayriyen, dakken yessefk ad d-sbedden azenziɣ ara d-iḥazen akk irmuden n umesni (isakalen n umesni uggig, amesni amdinan d udumdinan, amesni n yilzazen d umesni uslig) i lmend n uglugen n umesni d  usenqes n umḍan n yisehwa n ubrid.

Iger-d daɣ tiɣri i yiduba inagduden akken ad ssuddse tiɣimiyin tiɣelnawin ɣef yisehwa n ubrid i uheyyi n uɣawas i usenqes n yisehwa ay d-yettilin yal ass, ɣef wakken ay d-yenna Mass Bouchrit, ay d-yeɣran daɣ i usejhed n tḥemliwin n usefrey s uttekki n yimeggiyen yemgerraden ay terza temsalt, imi « amesni d tamsalt yerzan akk idisan », ɣef wakken ay d-yenan.

Yesmekti-d umasay-a dakken, yal aseggas, ttmettaten azal n 4.000 n yimdanen am wakken jerrḥen gar 40.000 d 45.000 n yimdanen seg yisehwa n ubrid, yernu yenna-d dakken aya yeggra-d d taɛkemt tameqrant ɣef uwanak yernu abdad i teɣtas yesqamay-d aṭas n yidrimen i tmurt.

 

Last modified on Akwas, 30 Yennayer 2020 16:36
Yessefk uzenziɣ aɣelnaw n umesni i usenqes n yisehwa n ubrid
  Yeffeɣ-d ass n : Aynas, 27 Yennayer 2020 13:57     Taggayt : TIMETTI     Ɣran-t : 3 n tikkal   Bḍu