Menu principal

Menu principal

Anneqmaḍ s wurrig: 4 n yimdanen ay yemmuten deg 24 n yisragen deg Ɣilizan

Yeffeɣ-d ass n : Aynas, 10 Dujembeṛ 2018 10:52   Ɣran-t : 5 n tikkal
Anneqmaḍ s wurrig: 4 n yimdanen ay yemmuten deg 24 n yisragen deg Ɣilizan

 

LEZZAYER TAMANEƔT – 4 n yimdanen ay yemmuten s unneqmaḍ s wurrig n umunuksid n ukaṛbun deg twilayt n Ɣilizan deg wakud aydeg 3 niḍen ay d-ssukksen seg tmettant deg Tubiret deg 24 n yisragen, ɣef wakken ay d-tenna, ass n usamas (lḥedd), tmehla tamatut n ummesten aɣarim.

« Iferdisen n ummesten aɣarim gren-d iman-nsen akken ad dawin 3 n yimdanen ay ineffsen urrig deg tɣiwant n Tubiret. Deg twilayt n Ɣilizan, ufan-d 4 n yimdanen ay yemmuten s umunuksid n ukaṛbun ay d-yeffɣen seg uḥemmay deg uxxam-nsen, deg uɣaram n El Intissar, taɣiwant n Ɣilizan », ɣef wakken ay d-yenna yiwen n ulɣu.

Tfureṣ tagnit tmehla tamatut n ummesten aɣarim akken ad d-tesmekti i yiɣermanen lewṣayat n tɣellist akken ur ḍerrun ara yisehwa-a yernu ttmettaten ara medden, am wakken ay d-twekked dakken iḥemmayen yessefk ad ten-ssefqader yimsaduren, am wakken ur yessefk ara ad medlen medden tiflatin ayseg d-yettadef uzwu akken ad qqimen yixxamen-nsen dima bbuḥran mi ara sseqdacen iḥemmayen.

Twekked-d daɣ tmehla dakken d ayen yessefk medden ad reẓmen ixxamen-nsen akken ad bbuḥrun, ma ulac, 10 n tmikin (ddqayeq) deg wass.

Seg yidis niḍen, ma tella tetribt, zemren medden ad ɣren i wuḍḍun n 14 yernu, mi ara ɣren, yessefk ad d-fken tansa taseddit am wakken ara d-xebbren swaswa ɣef usehwu ay yeḍran akken ad asen-bedden i teɣtas s tɣawla yernu akken iwata.

 

Anneqmaḍ s wurrig: 4 n yimdanen ay yemmuten deg 24 n yisragen deg Ɣilizan
  Yeffeɣ-d ass n : Aynas, 10 Dujembeṛ 2018 10:52     Taggayt : TIMETTI     Ɣran-t : 5 n tikkal   Bḍu