Menu principal

Menu principal

Mmuten 3 yerna jerḥen 304 deg yiwet n dduṛt (Taɣellist Taɣelnawt)

Yeffeɣ-d ass n : Asimwas, 12 Yunyu 2015 13:55   Ɣran-t : 103 n tikkal

LEZZAYER TAMANEƔT – Kraḍ (3) n yimdanen ay yemmuten yerna jerḥen 304 deg yisehwa (laksidat) n ubrid ay d-yellan gar 2 d 8 Yunyu deg temdint, ɣef leḥsab n tecrawt n Tmehla tamatut n tɣellist taɣelnawt ay d-yeffɣen ass n lexmis.

Leḥabat ay d-yellan dduṛt-a kecfen-d d akken neqsen yisehwa n ubrid (-12) ɣef leḥsab n dduṛt yezrin, am wakken ay yenqes umḍan n yimejraḥ (-36) d umḍan n yimerttanen (-50).

Deg wayen yerzan ssebbat n yisehwa, d imdanen ay d-yettɣimin d ssebba tamezwarut s 92,36%, ɣef wakken ay d-tekcef tecrawt-a, yerna yella-d waya seg tazzla n waṭas neɣ lqella n uqader n umeccaq n tɣellist (laman).

Dɣa deg temsalt-a, Tamehla tamatut n tɣellist taɣelnawt tɛawed tger-d tiɣri i yinehhaṛen akken « ad ttqadaren » lqanun n tenhaṛt, ad ttḥadaren yerna ad ttarran lbal-nsen mi ara nehhṛen.

 

 

 

Mmuten 3 yerna jerḥen 304 deg yiwet n dduṛt (Taɣellist Taɣelnawt)
  Yeffeɣ-d ass n : Asimwas, 12 Yunyu 2015 13:55     Taggayt : TIMETTI     Ɣran-t : 103 n tikkal   Bḍu