Menu principal

Menu principal

Tiddukla n « Iqra » tettekka deg usselmed n 1,6 amelyun n Yizzayriyen

Yeffeɣ-d ass n : Asamas, 05 Yebrir 2015 13:07   Ɣran-t : 72 n tikkal

WEHṚAN – Tiddukla n « Iqra » tettekka deg usselmed n tira ed tɣuri n 1,6 amelyun n Yizzayriyen deg tikli-nnes taɣelnawt n meḥḥu n lqella n tmussni, ɣef wakken ay aɣ-d-tenna tselwayt n tiddukla-a ass n ssebt deg Wehṛan.

 

Amḍan  n yinelmaden imawaḍen  ay yessaggzen  deg temsirin n welmad n tira ed tɣuri ɣer tiddukla n « Iqra » yuweḍ, imir-a, ɣer 130.000 deg wakk timiwa n tmurt, ɣef wakken ay d-tenna Aicha Barki deg yiwet n temlilit n uxebber i lmend n tririt n teṛwiḥt i lbiru n tiddukla-a deg Wehṛan.

 

Tiddukla la txeddem i lmend n ussefɛel ed weḍfar n tsuddest (stratégie) taɣelnawt n meḥḥu n lqella n tmussni s welday n tneɣriyin  timaynutin ed ussuddes (organisation) n tḥemliliwin n wesḥulfu  i lmend n ussenqes n wefmiḍi (taux) n yiruskilen (wid ur neqqar ara) yuwḍen ass-a ɣer 14% deg tmurt ɣef leḥsab n yiwet n tezrawt ay tga tiddukla deg 2012, ɣef wakken ay d-tenna temḍebbert-a.

 

Tiddukla-a telha-d daɣ s uqeyyem n tsuddest taɣelnawt n meḥḥu n lqella n tmussni 2007-2015 s wemɛiwen ed weɣlif n tteṛbeyya taɣelnawt, ɣef leḥsab n Massa Barki, ay d-yennan dakken Ldzayer tesseqdec akk ttawilat ay yessefken i usselmed n tira ed tɣuri.

 

Tiddukla tadzayrit « Iqra » la tessaram ad tesɛu aẓayer (statut) n tanfa tazayezt, d win ay tessuter sɣur yiduba izuyaz s weḍfar n lqanun ay yesseddayen tiddukliwin, ɣef wakken ay d-txebber.

 

I lmend n waya, tiddukla-a txeddem akken ad d-terr ljehd i lbiruwat-nnes n tɣiwanin ed twilayin, ɣef wakken ay d-tenna Massa Barki ay d-yegren tamawt dakken tiddukla-a tesɛa 38 n lbiruwat n twilayin, yerna la d-tettheyyi ad teldey 10 niḍen.

 

Seg tama-nnes, taselwayt n lbiru n Wehṛan n tiddukla n « Iqra », Driss Khadidja, tenna-d dakken tiririt n tudert i lbiru-a d ayen ara yefken ljehd i wahil n usselmed n tira ed tɣuri deg twilayt-a, d ahil ay la yekkaten akken d yesḥulfu (sensibiliser) medden akken ad faṛsen seg temsirin-a n welmad.

 

Seg tama niḍen, lbiru n twilayt n tiddukla n « Iqra » yessuddes-d, deg temlilit-a aydeg ttekkan waggagen (intellectuels) ed yigensase (représentants) n tiddukliwin, aṭas n yermuden (activités) gar-asen yiwen n usarag (conférence) aydeg a d-sfehmen i tlawin kra n leqwanin yettḥuddun mgal tekriḍt (violence) akken tebɣu tili.

Tiddukla n « Iqra » tettekka deg usselmed n 1,6 amelyun n Yizzayriyen
  Yeffeɣ-d ass n : Asamas, 05 Yebrir 2015 13:07     Taggayt : TIMETTI     Ɣran-t : 72 n tikkal   Bḍu