Menu principal

Menu principal

Asnerni n tmiwa n tmurt: 7 n yimelyunen n medden ara d-yernun i wid yerza ahil n 5 n yiseggasen 2015-2019

Yeffeɣ-d ass n : Asamas, 03 Mayu 2015 18:24   Ɣran-t : 102 n tikkal

LEZZAYER TAMANEƔT – Ahil n 2015-2019 n usnerni n tmiwa n tmurt ad iḥaz 7 n yimelyunen seg medden ur yestenfɛen ara seg wahil n semmus n yiseggasen n usnerni n tmiwa n tmurt deg 2010-2014, ɣef wakken ay d-yessefra uɣlif n tfellaḥt d usnerni n tmurt ass n lḥedd.

« Assefɛel n wahilen yemgerraden ad yettwassejhed akken ad d-iḥaz 7 n yimelyunen n yimezdaɣen, neɣ 1,2 d amelyun n yixxamen deg tmurt ur d-yesfaydin ara seg wahilen n 2010-2014 », ɣef leḥsab n yisefka n uɣlif deg tɣimit tis 22 n uqeyyem n ussejhed n wahilen n tfellaḥt d tmurt.

 Imezdaɣen-a ad d-sfaydin seg lecɣal ara yerzun ama d amdan s timmad-nnes neɣ d timetti, yerna ad yekcem akk waya deg yisenfaren ara d-yilin deg uqaleb n « Usenfar uqrib imnummed n usnerni n tmurt ».

 Ahil n usnerni n semmus n yiseggasen (2015-2019) d win ara yefken azal d ameqran i uḥraz n teɣbula tigamanin d uṣeggem n yimukan ay yessexṣer uneẓruf neɣ yeggez-iten, ɣef wakken ay d-yenna uneɣlaf.

 Anadi n yimukan n uḥuddu n teɣbula tigamanin ad d-yili, deg tazwara, deg 903 n tɣiwanin n tmurt, ladɣa tid ay yettwaḥesben d tigellilin neɣ d tuɛzilin.

Ahil-a ad yettwassefɛel s yisenfaren ibennun, d wid umi ara banent tlisa yerna sɛan iswan ibanen, am wakken ara afen imezdaɣen n tmiwa-a axeddim deg-sen, imi d axeddim ay d ḍḍmana n urkad n yixxamen deg tmurt », ay d-rnan. 

 Ɣef leḥsab n uneɣlaf, ahil n 2015-2019 d akemmel n wahil n  semmus n yiseggasen n 2010-2014 aydeg ay tettunefk tuzwirt i usselhu n tudert akken ad zemren yimezdaɣen ad d-ttekkayen s tidet deg yisenfaren n usnerni d uḥuddu n teɣbula tigamanin.

 Tasertit n usnerni n tmiwa n tmurt ay iḥuzan akk timiwa n Ldzayer deg 2010-2014, yerna tḥukeṛ ladɣa imezdaɣen n beṛṛa n temdinin ay yuwḍen ɣer 14 n yimelyunen, yerna i lmend n waya, gan-d ugar n 9000 n yisenfaren deg 1437 n tɣiwanin, ɣef wakken ay d-yenna uɣlif n tfellaḥt d usnerni n tmiwa n tmurt.

 Isenfaren-a jjan 7 n yimelyunen n medden ad d-sfaydin seg uxeddim n usselhu n tudert d rrbeḥ deg tmiwa n tmurt. 

Last modified on Asinas, 05 Mayu 2015 13:00
Asnerni n tmiwa n tmurt: 7 n yimelyunen n medden ara d-yernun i wid yerza ahil n 5 n yiseggasen 2015-2019
  Yeffeɣ-d ass n : Asamas, 03 Mayu 2015 18:24     Taggayt : TIMETTI     Ɣran-t : 102 n tikkal   Bḍu