Menu principal

Menu principal

LEZZAYER TAMANEƔT – Teɣtes yiwet n tesmilt tagtagzumant yellan ddaw usiggi n uneɣlaf n yiweẓla isɣananen, Youcef Belmehdi, asigel n tẓallit n usimwas seg wass n 13 Wamber 2020 deg Tmesgida Tameqqrant n Lezzayer yernu ur d-tetteqqal ara tẓallit-a arma mlalent-d tewtilin iwatan, yernu yella-d waya ɣef lǧal n tegnit takaɣerfant aydeg tella tmurt ussan-a (aḍḍan n Covid-19), ɣef wakken ay d-yenna, ass n usinas yiwen n ulɣu n uɣlif.

Published in LEZZAYER

 

LEZZAYER  TAMANEƔT – Sḍis n yimiḍiyen kramraw d sin (642) n liḥalat timaynutin yettwatebten i yeṭṭef unfafad Bu Tesmert (Covid-19), 288 n wid ijin akked tmettant n 14 n yimuḍinen i yettwakelsen deg 24 n yisragen-a ineggura deg tmurt n Lezzayer, i d-yenna ass n uynas (letniyen) deg Lezzayer tamaneɣt umutlay n Tesqamut tussnant n uḍfar n umhaz n waṭan n unfafad Bu Tesmert Covid-19, Amsuji Djamel Fourar.

LEZZAYER TAMANEƔT – Yuzen uselway n tegduda, Abdelmadjid Tebboune, asnemmer-nnes ameqqran i Yizzayriyen mi ay nneknan ɣer tegnit-nnes tadawsant yernu imi ay « ddukklen » ɣer yidis n uselway-nsen, am wakken ay d-iwekked dakken yefka azal d ameqqran i udeɛɛu-nsen d usirem-nsen akken ad yejji s tɣawla, ɣef wakken ay d-yenna, ass n usamas, yiwen n ulɣu n tselwit n tegduda.

Published in LEZZAYER

LEZZAYER TAMANEƔT – Sḍiset n tmaḍ d samraw (670) n tejṛa timaynutin n unfafad bu uqacuc ay d-yettwawekkden, am wakken ay d-llant daɣ 254 n tujjyiwin d 12 n tmettanin deg 24 n yisragen ineggura deg Lezzayer, ɣefn wakken ay d-yenna, ass n usamas deg Lezzayer Tamaneɣt, umutlay n Tseqqimt Tussnant n Uḍfar n Umhaz n Tkaɣreft n Unfafad bu Uqacuc, Aduktur Djamel Fourar.

LEZZAYER TAMANEƔT - Ẓẓullen taẓallit n usimwas tamezwarut deg Tmesgida Tameqqrant n Lezzayer s uzrak n wakaten idawsanen n uḥezzeb mgal uzraɛ n unfafad bu uqacuc n Covid-19.

Published in LEZZAYER

LEZZAYER TAMANEƔT – Yeɣtes unabaḍ ad d-iheyyi, war leɛḍil, « aɣawas utrib n tigawt » i ugbar n uzraɛ n ubayyur n unfafad bu uqacuc n Covid-19, am wakken ay d-iwekked dakken yessefk ad yettwaɛaqeb s kra n win ara irekḍen akaten yerzan aya, am wakken ay yessefk ad ttunefken i yisegnafen akk ammaken ay ḥwajen, ɣef wakken ay d-yenna, ass n ukwas, yiwen n ulɣu n yimeẓla n uɣlif amenzu.

Published in LEZZAYER

LEZZAYER TAMANEƔT – Sɛeddan-as i uselway n tegduda, Abdelmadjid Tebboune, ikayaden isnajyanen d ilqayanen deg yiwen n usegnaf ameqqran yemmuzzgen deg Lalman, yernu, i lmend n waya, yeṭṭef-d iznan n usirem n tujjya sɣur yiselwayen n tmura tiysetmatin d tmidiwin, ɣef wakken ay d-yenna, ass n ukwas yiwen n ulɣu n tselwit n tegduda.

Published in LEZZAYER

LEZZAYER TAMANEƔT – Iger-d unabaḍ tiɣri, ass n usamas, i yiɣermanen akken ad ssuggten taɣḍeft yernu ad qqimen msetlalen yernu ɛewwlen akken ad nnaɣen mgal tkaɣreft n unfafad bu uqacuc ladɣa imi amḍan n tejṛa timaynutin yerna deg umaḍal.

Published in LEZZAYER

TABATENT – Icar-d uneɣlaf amenzu, Abdelaziz Djerad, ass n ukras, deg tezwara n terzi-nnes n umahil d uswaḍ ɣef twilayt n Tbatent, tuqqla taɣurbizt n 2020-2021 seg uɣerbaz amenzu n Abderrahmane-El-Akhdari, deg yiɣefdeg n twilayt-a.

Published in LEZZAYER

LEZZAYER TAMANEƔT – Tagrawt taɣelnawt n n tmerɣa n Sonatrach yella-d ɣer-s lexṣaṣ n rrbeḥ n 10 n yimelyaṛen n yidulaṛen gar tezwara n 2020 d Ctembeṛ n useggas-a ma nquren tallit-a ɣer tin n 2019, yernu yella-d lexṣaṣ-a n rrbeḥ ɣef lǧal n tkaɣreft n unfafad bu uqacuc. Ɣef waya, yenqes uzwil n yiweẓla n usiǧew n tegrawt-a s 41%, ɣef wakken ay d-tenna tecrawt n uɣlif n teẓwert.

Published in TADAMSA