Menu principal

Menu principal

LEZZAYER  TAMANEƔT – Kraḍet n timaḍ samraw d tẓa (379) n liḥalat timaynutin yettwatebten i yeṭṭef unfafad Bu Tesmert (Cvide-19), 262 n wid yejjin akked tmettant n 10 n yimuḍinen i yettwakelsen deg 24 n yisragen-a ineggura deg tmurt n Lezzayer, i d-yenna ass n Usimwas (lǧemɛa) uneɣlaf n Tdawsa, n Tɣerfa akked Tsemmeskelt n yisegnaf deg yiwen n ulɣu.

LEZZAYER  TAMANEƔT – Yessuddes uɣlif n Twennaḍt, ass n Usiḍyas (ssebt), i lmend n Wass anmaḍal n Twennaḍt mennaw n yirmuden n usḥulfu akked usileɣ ɣef twennaḍt, deg wakk timsukin yeqqnen ɣer uɣlif-is yellan deg teskala taɣelnawt, i d-yenna, ass n Usimwas (lǧemɛa), yiwen n ulɣu n uɣlif.

LEZZAYER  TAMANEƔT – Sin imiḍiyen tamraw d tam (288) n liḥalat timaynutin yettwatebten i yeṭṭef unfafad Bu Tesmert (Cvide-19), 214 n wid yejjin akked tmettant n 7 n yimuḍinen i yettwakelsen deg 24 n yisragen-a ineggura deg tmurt n Lezzayer, i d-yenna ass n Uynas (Letniyen) uneɣlaf n Tdawsa, n Tɣerfa akked Tsemmeskelt n yisegnaf deg yiwen n ulɣu.

LEZZAYER  TAMANEƔT – Asqamu n telwit akked tɣellist (CPS) n Tduklu Tfriqit ad teg ass n usiḍyas (ssebt) yiwet n tɣimit taɣlifant, d Lezzayer ara tt-yesselwin, ad tt-rzun i wagnu n unekcum ɣer umenẓaw afriqi n tgezzayt magal-anfafad.

LEZZAYER  TAMANEƔT – Aneɣlaf n Tdawsa, n Tɣerfa akked Tsemmeskelt n Yisegnafen, Abderrahmane Benbouzid yenna-d, ass n Ukwas (lexmis) seg Bufarik (Blida), dakken llant 14 n liḥalat timaynutin, deg tmurt n Lezzayer, uḍnen tameskal tahendit n Unfafad Bu Tesmert (Covid-19). 

LEZZAYER TAMANEƔT – Ttwawekkdent-d snat n tmaḍ d tamet (208) n tejṛa timaynutin n unfafad bu uqacuc (aḍḍan n Covid-19), 131 n tujjyiwin d 6 n tmettanin deg tecrawt taneggarut deg Lezzayer, ɣef wakken ay d-yenna, ass n ukwas, yiwen n ulɣu n uɣlif n tdawsa.

LEZZAYER  TAMANEƔT – Aselway n Tegduda, Mass Abdelmadjid Tebboune yumeṛ ass n usamas (lḥedd) i wakken ad yili usbadu « usdid » i useḍru n yisenfaren n tsemmeskelt n yisegnafen, yezzireg-d dakken « yessefk ad yili ucegger n usuddes n yimeẓla n yisegnafen i uselhu n wassaɣ gar uɣerman akked Usegnaf », i d-yenna yiwen n ulɣu n Usqamu n yineɣlafen.

LEZZAYER  TAMANEƔT – Aselway n Tegduda, Abdelmadjid Tebboune yenna-d, deg Usqamu n yineɣlafen i d-yeḍran ass n usamas (lḥedd) dakken, « tixxutert n uckaḍ n useḍru akked usnefli n yiɣerbazen unnigen yemmuzgen iwehhan ɣer tdamsa n uzekka, d asurif agejdan ɣer lebni n Lezzayer tamaynut ».

LEZZAYER  TAMANEƔT – Aneɣlaf n Uselmed unnig akked Tegmi tussnant, Abdelbaki Benziane yenna-d dakken asekcem usrid s amahil n wid ilan igerdasen n uḍuktura d ayen yellan d « awezɣi », acku amḍan-nsen d axatar yekka nnig 5000 i d-itefɣen i yal aseggas.

LEZZAYER  TAMANEƔT – Asileɣ n yimehhalen ara yettwakelfen s ufares n tgezzayt tarusit mgal n unfafad bu tesmert (Covid-19), « Spoutnik V », ur tettɛeṭṭil ara ad yebdu, i d-tenna i Tnegga n Yisalan n Lezzayer, Tselwayt Tanemhalt Tamatut n tegrawt tawesfart tanagdudt Saidal, Fatoum Akacem.