ZZAYER  TAMANEƔT – Aneɣlaf n Tdawsa, Abderrahmane Benbouzid yesselwi, ass n usamas (lḥedd), imuhal n temlilit tunnimt tis 57 n Useqqamu n yineɣlafen aɛraben n Tdawsa, ɣer tama n yimuhal n temlilit tis 75 n Ugraw amatu n Tuddsa tanmaḍalt n tdawsa, i d-yeḍran seg wass n 22 ar 28 mayyu ideg nella deg Genève (Swis), ddaw n usentel « Tadawsa i telwit, talwit i tdawsa ».

LEZZAYER  TAMANEƔT – Sḍis (06) n liḥalat timaynutin yettwatebten i yeṭṭef unfafad Bu Tesmert (Cvide-19), ma d timettanin ulac deg 24 n yisragen-a ineggura deg tmurt n Zzayer, i d-yenna ass n usimwas (lǧemɛa) uneɣlaf n Tdawsa deg yiwen n ulɣu.

ZZAYER  TAMANEƔT – Aneɣlaf n temguri n yisafaren, Abderrahamane Djamel Lotfi Benbahmed, yermes yiwet n tmagla n tnaremt tacinwit Sinovac, ɣef uqerru-s d taselwayt-is tanemhalt tamatut, Helene Yang, mmeslayen ɣef useǧhed akked usihrew n ticcurka akked tegrawt Saidal, i d-yenna ass n uynas (letniyen) yiwen n ulɣu n uɣlif.

ZZAYER  TAMANEƔT – Aneɣlaf n Uselmed unnig akked Tegmi tussnant, Abdelbaki Benziane, iḥettet, ass n usiḍyas (ssebt) deg Zzayer tamaneɣt, ɣef wakken yessefk ad nfaṛes igmaḍ n tegmi tussnant yettilin deg tesdawiyin akked yisuda izzayriyen akken ad nesseǧhed taɣellist taẓewrant n tmurt.

ZZAYER  TAMANEƔT – Anemhal n tesdawit n Zzayer 1, Aprufisur Abdelhakim Bentellis yezzireg-d ass n ukras (larebɛa) dakken acrak akked tnarmin tisfaranin yellan deg Zzayer yettekki deg usnefli n usileɣ deg tesdawit n Tnesfart.

TIZI  UZZU – Aneɣlaf n Tdawsa, Abderrahmane Benbouzid, icar-d ass n usinas (ttlata) deg Tizi Uzzu dakken iduba inagduden ɣetsen akken ad kksen tasbekt n yisenfaren n useḍru n tdumsukin n tdawsa deg wakal akk n tmurt.

TAMSILT – Aneɣlaf n Usemḍen akked Usiḍen, Hocine Cherhabil, yeɣra-d ass n usinas (ttlata) deg Temsilt, i teṛmisin n yixulaf imejṭaḥ akken « ad mehzent deg ukatar n tegrawin », d anagraw yesgerwen ammasen n unadi, tiṛmisin, ixulaf imejṭaḥ, tibankiwin akked yiɣlifen yerzan asnefli n teṛmisin n yixulaf imejṭaḥ.

LEZZAYER  TAMANEƔT –13 n liḥalat timaynutin yettwatebten i yeṭṭef unfafad Bu Tesmert (Cvide-19), 19  n wid yejjin akked tmettant n 1 n yimuḍinen i yettwakelsen deg 24 n yisragen-a ineggura deg tmurt n Lezzayer, i d-yenna ass n wekwas uneɣlaf n Tdawsa, n Tɣerfa akked Tsemmeskelt n yisegnaf deg yiwen n ulɣu.

ZZAYER  TAMANEƔT – Asemḍen n ugzum n tdawsa yuɣal tura « d tamara » i d-iḥettmen iman-is deg wayen yerzan tasetrer n usefrek, asmeɣẓen n uṣerref akked uselhu n yimeẓla ttafken i yimuḍinen, ɣef wakken i d-nnan yimazzayen deg tsenselkimt akked usefrek n temṣukin tidawsanin.