Menu principal

Menu principal

Agrur Azzayri n Tfazit deg Skikda: 3 n yisenfaren ay yuɣren ɣer tgarant n Wamber

Yeffeɣ-d ass n : Asinas, 09 Ɣuct 2022 15:38   Ɣran-t : 41 n tikkal
Agrur Azzayri n Tfazit deg Skikda: 3 n yisenfaren ay yuɣren ɣer tgarant n Wamber

SKIKDA – Tettwaxtem teẓrigt tis 4 n Ugrur Azzayri n Tfazit deg ugemmiw n yidles n Malek Chebel n Skikda s waɣar n 3 n yisenfaren ɣer tgarant n Wamber ara d-yilin deg Zzayer Tamaneɣt.

Nnan-d yimsuddsen n tedyant-a, ass n usamas, dakken asenfar amezwaru irebḥen d win yerzan tasnulzuzt tamerrant yernu wa d asnas ara yeǧǧen amerray ad yessen isemlan n temnaḍt aydeg yella.

Asenfar wis sin d win n sin n yilemẓiyen n 17 n yiseggasen yernu yerza afares n yigersalen d usenzi-nsen i tneččiyin.

Ma d asenfar wis kraḍ yeqqen ɣer tdawsa d tɣellist tanmettit yernu yerza abaḍi n tetrist d wurrig deg uxxam. Asenfar-a yebda yettnuzu, ɣef wakken ay d-nettwaxebber.

Yenna-d uselway n Teṛmist Tazzayrit n Usmal n Uṛmas d Udhal n Tgemma, Adlane Chaouch, dakken awanak d wakk tisuda-nnes, dehhlen tisentayin tiṛmasanin d tmelwi n yiweẓla ladɣa deffir ma ɣetsen yiduba unnigen n tmurt akken ad reẓmen akk tiwwura i tsentayin d yirmuden ara inefɛen aṛmas d usileɣ n tsutiwin timaynutin akken ad derwent deg unegmu aɣelnaw.

Taẓrigt tis 4 n Ugrur Azzayri n Tfazit n Skikda d tin aydeg derwen 50 n yilemẓiyen yesɛan isenfaren d isfaranen.

 

Last modified on Akras, 10 Ɣuct 2022 15:26
Agrur Azzayri n Tfazit deg Skikda: 3 n yisenfaren ay yuɣren ɣer tgarant n Wamber
  Yeffeɣ-d ass n : Asinas, 09 Ɣuct 2022 15:38     Taggayt : TADAWSA-TUSSNA-TASNATWILT     Ɣran-t : 41 n tikkal   Bḍu