Print this page

Ad tessuddes tmurt n Zzayer, deg useggas n 2023, Ass anmaḍal n wid yettaken idammen

Yeffeɣ-d ass n : Asiḍyas, 02 Yulyu 2022 14:06   Ɣran-t : 4 n tikkal
  • Bḍu
Ad tessuddes tmurt n Zzayer, deg useggas n 2023, Ass anmaḍal n wid yettaken idammen

ZZAYER  TAMANEƔT – Tuddsa tanmaḍalt n tdawsa teqbel i Zzayer akken ad tessuddes tafugla n Wass anmaḍal n wid yettaken idammen (14 yunyu) n useggas n 2023, i d-yenna, ass n ukwas (lexmis), yiwen n ulɣu n uɣlif n Tdawsa.

« Ad tessuddes Zzayer tafugla n Wass anmaḍal n wid yettaken idammen, ass n 14 yunyu 2023, d asumer n uselway n Tfidiralit tagraɣlant n tuddsiwin n wid yettaken idammen, Gian Franco Massaro, mi d-iga tirzi-s ɣer Zzayer deg tazwara n wayyur n yunyu 2022 anda iwala ayen akk d-tesseḍra Tnegga taɣelnawt n yidammen deg teɣult-a », i d-yesseddi ulɣu.

Anemhal amatu n Tuddsa tanmaḍalt n Tdawsa, amsujji Tedros Adhanom Ghebreyesus « asṭeɛref n Tuddsa s Unabaḍ azzayri i lmend n uqader n yimenzayen n temsukt-a, tuzwin-is, akked tiwin-is deg wayen yerzan taɣellist akked tilin n yidammen.

Tezzireg-d daɣen Tuddsa tanmaḍalt n tdawsa, s teɣri n unemhal-is, dakken « asfugel  n Wass anmaḍal n win yettaken idammen d igi i d-ihergen tamsetlelt tanmaḍalt », i tzul Zzayer ɣef « tɣawsa taxatart i tga deg wayen yerzan aḍman n tilin n yidammen akked yifarisen icudden ɣer yidammen, aya akk akken ad qablen asuter n yimuḍinen ».

Last modified on Asamas, 03 Yulyu 2022 14:29
Ad tessuddes tmurt n Zzayer, deg useggas n 2023, Ass anmaḍal n wid yettaken idammen
  Yeffeɣ-d ass n : Asiḍyas, 02 Yulyu 2022 14:06     Taggayt : TADAWSA-TUSSNA-TASNATWILT     Ɣran-t : 4 n tikkal   Bḍu