« Aɣlif n Usegmi aɣelnaw yesselɣa akk imazwaren ilelliyen ara yettekkin deg yikayaden n Lbak akked win n taggara n ulmud n uɣerbaz alemmas n useggas n 2022 dakken ldin sin yismal-a : https://bac.onec.dz  https://bem.onec.dz

Aya, seg usinas (ttlata) 01 furar alamma d ass n usinas (ttlat) 15 furar 2022, akken ad ssiwḍen ad skeyden tiseddi n telɣutin-nsen tudmawanin, ladɣa isem akked uzarisem, azemz akked udeg n tlalit », i yesseddi ulɣu.

« Ma llant tucḍiwin, yessefk ɣef yimazwaren ad sselɣun s tira tamehla n Usegmi deg wayen yerzan iseɣtiyen ara neg », i yezmel ulɣu.

Yettwaseddi-d dakken « mi ara tekfu tenzagt, ad ddmen yimazwaren akk tamasit n tuccḍiwin ur nettwaseɣti ara deg tenzagt yettwasebḍen ».