Menu principal

Menu principal

Aḍḍan n Covid-19: Ametwi n umesten yettwasseɣzef s 10 n wussan seg wass n usinas d asawen

Yeffeɣ-d ass n : Asinas, 25 Yennayer 2022 11:52   Ɣran-t : 22 n tikkal
Aḍḍan n Covid-19: Ametwi n umesten yettwasseɣzef s 10 n wussan seg wass n usinas d asawen

ZZAYER TAMANEƔT – Yeɣtes uneɣlaf amenzu, aneɣlaf n tedrimt, Mass Aimene Benabderrahmane, ad yesseɣzef akaten n umetwi n umesten d uḥezzeb mgal tkaɣreft n unfafad bu tedri (Covid-19) i tallit n mraw n wussan niḍen seg wass n usinas 25 Yennayer 2022, ɣef wakken ay d-yenna, ass n usinas, yiwen n ulɣu n yimeẓla n uneɣlaf amenzu.

Akaten ayɣef d-iweṣṣa Mass Aselway n Tegduda deg wayen yerzan asigel n uselmed deg yiɣerbazen ad qqiment arma d ass n usiḍyas 29 Yennayer 2022.

Yesmekti-d unabaḍ dakken amḍan n wid yettaḍnen ussan-a ineggura yekka i umḍan n wid yettaḍnen deg tayyugt tis kraḍt n ubayyur-a, yernu d aya ay d-yesskanayen timmaglit n tezɣent-a ay izemren ad teswaɣ tizemmar n yisegnafen.

Yerna-d daɣ unabaḍ dakken amur ameqqran seg wid yuḍnen niɣ ttmettaten d imdanen ur igin ara tagezzayt, dɣa ɣef waya ay d-iger tiɣri i tɣermanin d yiɣermanen akken ad ddun ad d-gen tagezzayt.

Anabaḍ yegdel akk isaragen, imyagren d yimsegrawen, am wakken ay d-iger tiɣri i yiɣermanen akken ad ssinfen i yimsegrawen n yimdanen d wid n twacult, ladɣa deg wayen yerzan timeɣriwin n tissulya d ṭṭhara.

Iger-d daɣ tiɣri i ukemmel n teɣḍeft d uzrak n wakaten idawsanen n uḥezzeb d umesten d udhal n temsetlelt i uqabel n tezɣent-a tadawsant.

 

Last modified on Asinas, 25 Yennayer 2022 11:53
Aḍḍan n Covid-19: Ametwi n umesten yettwasseɣzef s 10 n wussan seg wass n usinas d asawen
  Yeffeɣ-d ass n : Asinas, 25 Yennayer 2022 11:52     Taggayt : TADAWSA-TUSSNA-TASNATWILT     Ɣran-t : 22 n tikkal   Bḍu