Menu principal

Menu principal

Anfafad Bu Tesmert Covid-19 : Ur yeqbil ara Benbouzid tugin n yisegnafen ad ṭṭfen imuḍinen

Yeffeɣ-d ass n : Asinas, 18 Yennayer 2022 15:11   Ɣran-t : 12 n tikkal
Anfafad Bu Tesmert Covid-19 : Ur yeqbil ara Benbouzid tugin n yisegnafen ad ṭṭfen imuḍinen

LEZZAYER  TAMANEƔT – Aneɣlaf n Tdawsa, Abderrahmane Benbouzid, yules-d, ass n usinas (letniyen), i tugin « igezmen » deg wayen yerzan kra n yisegnafen i la d-yettarran imuḍinen, ladɣa wid n Lezzayer tamaneɣt, neɣ asufeɣ-nsen seg usegnaf ar wayeḍ ddaw n ufakul n lexṣas n wusu, i d-yenna yiwen n ulɣu n uɣlif.

Deg taggara n yiwet n temlilit i d-yellan gar Mass Benbouzid, inemhalen n Tdawsa n yigezda akked yinemhalen n yisegnafen i d-yeḍran s wallal n tilisarag, yules-d uneɣlaf i tugin « igezmen » deg ukemmel n tikli n kra n yisegnafen i la d-yettarran imuḍinen, ladɣa wid n Lezzayer tamaneɣt, ugin ad ten-ṭṭfen neɣ asufeɣ-nsen seg usegnaf ar wayeḍ ddaw n ufakul n lexṣas n wusu.

Yeɣra-d i « usummel n yal amdan ara igen taɣawsa am ta akken yebɣu yili uswir-is, yettwaḥettem fell-aɣ ad naf tifratin i wuguren n lexṣas n wusu iɣef d-mmeslayen yinemhalen n kra n yisegnafen yellan deg Lezzayer tamaneɣt deg yiwet n teswiɛt ideg mennaw n yigezda skelsen yiwen n urkad deg taɣult-a »

Yeɣra-d daɣen uneɣlaf i wakken ad nerr taflest i uɣerman s useddu n yisegnafen yemgarden akken yessefk, i lfayda n yimuḍinen, yeɣra-d daɣen akken ad nili d-imeɣḍafen mgal n waṭan n Unfafad Bu Tesmert Covid-19.

Last modified on Akras, 26 Yennayer 2022 16:57
Anfafad Bu Tesmert Covid-19 : Ur yeqbil ara Benbouzid tugin n yisegnafen ad ṭṭfen imuḍinen
  Yeffeɣ-d ass n : Asinas, 18 Yennayer 2022 15:11     Taggayt : TADAWSA-TUSSNA-TASNATWILT     Ɣran-t : 12 n tikkal   Bḍu