Menu principal

Menu principal

Amelyaṛ n yidinaṛen i usidrem n tgemma

Yeffeɣ-d ass n : Asimwas, 15 Tubeṛ 2021 10:35   Ɣran-t : 0 n tikkal
Amelyaṛ n yidinaṛen i usidrem n tgemma

QSENṬINA – Yenna-d uneɣlaf anesmigal n uneɣlaf amenzu d-yelhan s tdamsa n tmussni d tgemma, Yacine El Mahdi Oualid, ass n ukras deg Qsenṭina, dakken Zzayer tesri tiṛmisin « ara iḍemnen azal yernan n tidet yernu ad fkent azal i tsugrin tiɣelwanin ».

« Tamurt-nneɣ tesri tiṛmisin ara iḍemnen azal yernan n tidet, ad smersent yernu ad fkent azal i tsugrin tiɣelnawin », ɣef wakken ay d-yenna uneɣlaf-a mi yerẓem usarag amnaḍan n tgemma umi semman « Constantine Disrupt », am wakken ay d-iwekked dakken abrid ayiwnan i uslelli n tmurt seg umaduf apitṛulan netta d amahil i « useɣnew n umḍan ameqqran n teṛmisin ara d-yesɣenwen tibuɣar yernu ad yili waya d taẓeḍḍawt yettemyessmaden n tgemma, tiṛmisin d temẓermisin ».  

« Ayen ara yallen deg useɣnew n tgemma d akatar aglugnan, asenduq n usidrem d wakaten inewsiyen isebɣasen », ɣef wakken ay d-yerna Yacine El Mahdi Oualid.

Yesmekti-d daɣ dakken tadamsa n tmussni tella-d d « agellus umasan n wahil n unabaḍ », yernu yenna-d dakken yessefk ad d-ilint tsemmeskal d tixatarin i uqabel n yicqirrwen imeqqranen ay tettqabal tmurt.

Yerna-d dakken, i lmend n useɣnew n tmudemt tadamsant, tessefk tukkit taẓwarant, tadbelt tumḍint d tdamsa yettwassinḍen, am wakken ay yessefk daɣ tettwamed teɣbalut talsant d yinadiyen yettwasemlen deg tesdawiyin tiɣelnawin.

 

Last modified on Asiḍyas, 16 Tubeṛ 2021 16:45
Amelyaṛ n yidinaṛen i usidrem n tgemma
  Yeffeɣ-d ass n : Asimwas, 15 Tubeṛ 2021 10:35     Taggayt : TADAWSA-TUSSNA-TASNATWILT     Ɣran-t : 0 n tikkal   Bḍu