Menu principal

Menu principal

Anfafad Bu Tesmert (Covid-19) : 98 n liḥalat timaynutin, 81n wid yejjin akked tmettant n 2 imuḍinen

Yeffeɣ-d ass n : Aynas, 11 Tubeṛ 2021 17:07   Ɣran-t : 1 n tikkal
Anfafad Bu Tesmert (Covid-19) : 98 n liḥalat timaynutin, 81n wid yejjin akked tmettant n 2 imuḍinen

LEZZAYER  TAMANEƔT – Timiḍi sḍimraw d sḍis (98) n liḥalat timaynutin yettwatebten i yeṭṭef unfafad Bu Tesmert (Cvide-19), 81 n wid yejjin akked tmettant n 2 n yimuḍinen i yettwakelsen deg 24 n yisragen-a ineggura deg tmurt n Lezzayer, i d-yenna ass n Uynas (Letniyen) uneɣlaf n Tdawsa, n Tɣerfa akked Tsemmeskelt n yisegnaf deg yiwen n ulɣu.

Aɣrud n liḥalat yettwatebten yewweḍ ar 204.695 deg 24 n yisragen ineggura, win n tmettanin yewweḍ ar 5855 n liḥalat, ma d amḍan n yimuḍinen yejjin yezger ar 140319, i d-yesseddi ulɣu.

Seg yidis-iḍen, 14 n yimuḍinen ha-ten-in ddaw n tmacinin n usnuffes, i yerna yenna-d uɣbalu-nni. 

Rnu-yas, deg 27 n yigezda ur skelsen ula d yiwet n liḥala tamaynut deg 24 n yisragen-a ineggura, 19 nniḍen skelsen seg-sen 1 ar 9 n liḥalat, ma deg 2 n yigezda skelsen ugar n 10 n liḥalat.

Yezzireg-d uneɣlaf dakken liḥala tasenbayyurant n yimir-a tḥettem-d ɣef uɣerman taɛessast akked uqader n yilugan n tezdeg akked usmecceq afekkan, yesmekti-d daɣen aqader n ukman akked tmelsiwt n tgelmust.

Anfafad Bu Tesmert (Covid-19) : 98 n liḥalat timaynutin, 81n wid yejjin akked tmettant n 2 imuḍinen
  Yeffeɣ-d ass n : Aynas, 11 Tubeṛ 2021 17:07     Taggayt : TADAWSA-TUSSNA-TASNATWILT     Ɣran-t : 1 n tikkal   Bḍu