Menu principal

Menu principal

Aḍḍan n Covid-19: Tagnit tasenbayyurant « tesɣilif », afṣad d tifrat tayiwnant

Yeffeɣ-d ass n : Akwas, 22 Yulyu 2021 09:36   Ɣran-t : 0 n tikkal
Aḍḍan n Covid-19: Tagnit tasenbayyurant « tesɣilif », afṣad d tifrat tayiwnant

ZZAYER TAMANEƔT – Yenna-d uneɣlaf n tdawsa, Abderrahmane Benbouzid, ass n ukras, dakken tagnit tasenbayyurant deg Zzayer d tin aydeg yerna umḍan n yimuḍinen n Covid-19 s tɣawla yernu aya d « yesɣilif », am wakken ay d-iwekked dakken afṣad yettɣimi-d d tifrat tayiwnant i umennuɣ mgal tkaɣreft-a.

Deg wawal-nnes deg yiwet n temlilit s usarag n teẓrit d yinemhalen n tdawsa n twilayin, iwekked-d Upṛufisur Benbouzid dakken tagnit tadawsant « tesɣilif » ɣef lǧal n uzraɛ n unfafad bu uqacuc, am wakken ay d-iwekked dakken afṣad yettɣimi-d d tifrat tamellilt tayiwnant i umennuɣ mgal tkaɣreft-a yernu iger-d tiɣri i yiɣermanen akken ad ḥadren iman-nsen yernu ad zerken azrak d ummid akaten n uḥezzeb.

Mass Benbouzid iger-d daɣ tiɣri i yinemhalen n tdawsa akken « ad nnebgasen ugar » yernu « ad ṣebren i tegnit-a arma tɛedda », am wakken ay yesnemmer imasayen yemgerraden n ugzum n tdawsa ɣef wussisen ay ttgen deg unrar-a.

Iger-d daɣ tiɣri i yinemhalen n tdawsa akken ad semren « tilɣa n yisraten n wuksijin i yal tawilayt s tɣerɣert taliktṛunant n tebniqt n wuksijin ay d-yesseɣnew uɣlif amenzu i usifses n usigeẓ n wuksijin deg wakud iwatan d uḥraz n tdawsa d tmeddurin n yimuḍinen.  

Aneɣlaf ixebber-d daɣ dakken ur yettɛeṭṭil ara ad yebdu yiwen n umsemhel uslig afares n wuksijin yernu yenna-d dakken Zzayer tesɣa-d islammasen seg Ccinwa yernu ad d-awḍen ussan n « usimwas d usiḍyas d-itteddun ».

 

Aḍḍan n Covid-19: Tagnit tasenbayyurant « tesɣilif », afṣad d tifrat tayiwnant
  Yeffeɣ-d ass n : Akwas, 22 Yulyu 2021 09:36     Taggayt : TADAWSA-TUSSNA-TASNATWILT     Ɣran-t : 0 n tikkal   Bḍu