Print this page

Ttmahalen yineɣmasen idiganen i usmal n telɣut deg Ugmuḍ utrim n tmurt

Yeffeɣ-d ass n : Asinas, 04 Mayu 2021 14:45   Ɣran-t : 2 n tikkal
  • Bḍu
Ttmahalen yineɣmasen idiganen i usmal n telɣut deg Ugmuḍ utrim n tmurt

BECCAṚ - Ineɣmasen idiganen n yiyalasen n tɣamsa taɣelnawt yemgarden la ttkemmilen deg umahil n usmal n teɣwalt deg temnaḍt n unẓul utrim n tmurt, ɣas akken ddeqs n wuguren i d-ttemlilin yal ass i wakken ad leqḍen tilɣa, i d-nnan yineɣmasen idiganen yettmahalen deg ugezdu n Beccaṛ ilmend n wass anmaḍal n tlelli n tɣamsa.

« S wayen i d-wwin yineɣmasen idiganen, iyalasen n tɣamsa taɣelnawt yemgarden akked tregwa-iḍen n tliẓri, akked Rradyuwat ama d tid yellan d tinagdudin neɣ d tusligin, i la yesmahalen talɣut tadigant s yiwet n tanfa am tin yettunefken i telɣut taɣelnawt, tamnaḍt n unẓul utrim n tmurt tuɣal tban-d i medden akk », i d-zzirgen.

Nessaweḍ ɣer waya, s umahil ayalas yerna d ameɣlal n yineɣmasen idiganen, i d-yennan dakken la d-ttemlilin s « wuguren imeqqranen », amedya n umahil yerzan iweẓla n usgufsu, i d-yenna Rachid Roukbi, d aneɣmas adigan ilan ugar n simraw n yiseggasen n termit deg tɣamsa, imir-a la yettmahal d aneɣmas adigan deg uyalas aɣelnaw « Reporters ».

« Yessefk ad nesteɛref daɣen dakken la d-nettfaras ass-a ugar n tanga n telɣut akked tsestanin-iḍen s wassaɣ ɣer yiseggasen yezrin, maca mazal la nettqabal (…) mennaw n yisental d iṭabuten », i yerna yenna-d.

Ttmahalen yineɣmasen idiganen i usmal n telɣut deg Ugmuḍ utrim n tmurt
  Yeffeɣ-d ass n : Asinas, 04 Mayu 2021 14:45     Taggayt : TADAWSA-TUSSNA-TASNATWILT     Ɣran-t : 2 n tikkal   Bḍu