Menu principal

Menu principal

Aḍḍan n 19: Wekkden-d 37 n tejṛa timaynutin n tsenfal tabriṭanit d tnijiryant

Yeffeɣ-d ass n : Aynas, 01 Meɣres 2021 08:48   Ɣran-t : 0 n tikkal
Aḍḍan n 19: Wekkden-d 37 n tejṛa timaynutin n tsenfal tabriṭanit d tnijiryant

LEZZAYER TAMANEƔT – Ttwawekkdent tẓat (9) n tejṛa n yimuḍinen yuḍnen tasenfelt tabriṭanit n waḍḍan n Covid-19 d 28 n tejṛa yuḍnen tasenfelt tanijiryant deg Lezzayer, ɣef wakken ay d-yenna, ass n ukras, Usudu n Pasteur deg Lezzayer.

« Deg ukatar n ukemmel n usmagi n unfafad n SARS-CoV-2 ayyes d-yelhan Usudu n Pasteur n Lezzayer i lmend n usnuḍef n tsenfal izerrɛen ussan-a deg umaḍal, ttwawekkdent-d tẓat (9) n tejṛa timaynutin n yimuḍinen yuḍnen tasenfelt tabriṭanit (B.1.1.7) d simraw-tamet (28) n tejṛa timaynutin n tsenfelt tanijiryant (B.1.525) », ɣef wakken ay d-yenna usudu deg yiwen n ulɣu.

Asudu n Pasteur yerna-d dakken 4 seg yimuḍinen yesɛan tasenfelt tabriṭanit ufan-tent-id deg twilayt n Lezzayer, 1 deg Leblida, 1 deg Lemdiyya, ma d 3 deg Waregla.

Deg wayen yerzan tijṛa n tsenfelt taniniryant, 4 n tejṛa ay d-ufan deg Lezzayer, 3 deg Leblida, 11 deg Wad Suf, 6 deg Ǧelfa, 3 deg In Ṣaleḥ d 1 deg Waregla.

Tijṛa-a timaynutin d-yettwawekkdent « ssawḍent amḍan aɣrud n tsenfelt tabriṭanit ɣer 30, ma d win n tsenfelt tanijiryant ɣer 56 », ɣef wakken ay d-yenna Usudu n Pasteur n Lezzayer, ay d-iḥetteten, deg ulɣu-nnes, dakken ad zerken medden akaten n usebded n uzraɛ n waḍḍan-a deg ukatar n uneggaf adawsan (amgugu afekkan, timelsiwt n tgelmust n umesten, asugget seg usired n yifassen) i usebded n uzraɛ n unfafad-a ».

 

Last modified on Asamas, 04 Yebrir 2021 08:52
Aḍḍan n 19: Wekkden-d 37 n tejṛa timaynutin n tsenfal tabriṭanit d tnijiryant
  Yeffeɣ-d ass n : Aynas, 01 Meɣres 2021 08:48     Taggayt : TADAWSA-TUSSNA-TASNATWILT     Ɣran-t : 0 n tikkal   Bḍu