Menu principal

Menu principal

Anfafad Bu Tesmert (Covid-19) : 163 n liḥalat timaynutin, 147 n wid ijin akked tmettant n 5 imuḍinen

Yeffeɣ-d ass n : Laṛebɛa, 03 Meɣres 2021 23:27   Ɣran-t : 143 n tikkal
Anfafad Bu Tesmert (Covid-19) : 163 n liḥalat timaynutin, 147 n wid ijin akked tmettant n 5 imuḍinen

LEZZAYER  TAMANEƔT – Imiḍi sḍimraw d kraḍ (163) n liḥalat timaynutin yettwatebten i yeṭṭef unfafad Bu Tesmert (Cvide-19), 147 n wid yejjin akked tmettant n 5 n yimuḍinen i yettwakelsen deg 24 n yisragen-a ineggura deg tmurt n Lezzayer, i d-yenna ass n ukras (larebɛa) deg Lezzayer tamaneɣt umutlay n Tesqamut tussnant n uḍfar n umhaz n waṭan n unfafad Bu Tesmert Covid-19, Amsuji Djamel Fourar.

Aɣrud n liḥalat yettwatebten yewweḍ ar 113.593 ideg llant 163 n liḥalat timaynutin deg 24 n yisragen-a ineggura, akka nessaweḍ ar 0,4 n liḥalat i 100.000 n yimezdaɣen, win n tmettanin yewweḍ ar 2.996 n liḥalat, ma d amḍan n yimuḍinen yejjin yezger ar 78.524, i d-yesseddi Umsuji Fourar deg temlilit tayalast akked tɣamsa yerzan amhaz n waṭan n unfafad Bu Tesmert Covid-19.

Seg yidis-iḍen, 19 n yimuḍinen ha-ten-in ddaw n tmacinin n usnuffes, i yerna yenna-d umsuji Fourar.

Rnu-as, deg 18 n yigezda skelsen, deg 24 n yisragen-a ineggura, ddaw n 9 n liḥalat, deg 26 n yigezda-iḍen ur skelsen ula d yiwet n liḥala tamaynut, ma deg 4 n yigezda skelsen ugar n 10 n liḥalat.

Yezzireg-d umasay-nni dakken liḥala tasenbayyurant n yimir-a tḥettem-d ɣef uɣerman taɛessast akked uqader n yilugan n tezdeg akked usmecceq afekkan, yesmekti-d daɣen aqader n ukman akked tmelsiwt n tgelmust.

Last modified on Lḥedd, 07 Meɣres 2021 12:53
Anfafad Bu Tesmert (Covid-19) : 163 n liḥalat timaynutin, 147 n wid ijin akked tmettant n 5 imuḍinen
  Yeffeɣ-d ass n : Laṛebɛa, 03 Meɣres 2021 23:27     Taggayt : TADAWSA-TUSSNA-TASNASTWILT     Ɣran-t : 143 n tikkal   Bḍu