Menu principal

Menu principal

Tagezzayt mgal waḍḍan n Covid-19: Tuṭṭfa n tmaḍ n yigiman n tukfiwin deg Meɣres

Yeffeɣ-d ass n : Laṛebɛa, 03 Meɣres 2021 10:41   Ɣran-t : 89 n tikkal
Tagezzayt mgal waḍḍan n Covid-19: Tuṭṭfa n tmaḍ n yigiman n tukfiwin deg Meɣres

LEBLIDA – Ixebber-d uneɣlaf n tdawsa, Abderrahmane Benbouzid, ass n usinas deg Leblida, dakken ad d-ttwaṭṭfent tmaḍ n yigiman n tukfiwin n tgezzayt mgal Covid-19 deg wayyur-a n Meɣres.

« Lezzayer tessewjad iman-nnes akken ad d-teṭṭef asgalu d amaynu n tgezzayt mgal waḍḍan n Covid-19, d win aydeg llant tmaḍ n yigiman n tukfiwin, deg wayyur-a n Meɣres », ɣef wakken ay d-yenna Mass Benbouzid deg yiwet n tesguri i Tnegga n Yisalan n Lezzayer deg yijifeṛ n yiwet n terzi n uswaḍ ɣef mennaw n yimeẓla isegnafanen n usegnaf n Frantz Fanon deg Leblida.

Iwekked-d dakken isgula-a imaynuten ad d-rnun ɣer yidis n 300.000 n tukfiwin ay d-yettwaṭṭfen ar ass-a. « S waya, Lezzayer teṭṭef-d 50.000 n tukfiwin n tgezzayt n Sputnik V, 50.000 n tukfiwin n tgezzayt tanglizit-taswidit n Astra Zeneka, d 200.000 n tukfiwin n tgezzayt tacinwat n Sinopharm ass n 24 Fuṛaṛ yezrin », ɣef wakken ay d-yenna.

Mass Benbouzid iwekked-d, seg yidis niḍen, asmatu n tḥemla n ufṣad, ay yellan, naqal, terza 20 n twilayin aydeg ay d-yella umḍan ameqqran akk n tejṛa, gar-asent Leblida, Lezzayer, Qsenṭina d Tizi Uzzu. Asmatu-a d win ara yernun ad d-iḥaz 28 n twilayin niḍen yernu d aya ara yeǧǧen afṣad ad d-yili deg 48 n twilayin, ɣef wakken ay d-ixebber.

« Taḥemla n ufṣad tettili-d s usuddes yelhan », ɣef wakken ay d-yerna uneɣlaf ay d-yennan dakken asedger n usgalu amaynu ay d-yewwḍen seg Ccinwa deg tgara n Fuṛaṛ ur yettɛeḍḍil ara ad d-yili.

 

Tagezzayt mgal waḍḍan n Covid-19: Tuṭṭfa n tmaḍ n yigiman n tukfiwin deg Meɣres
  Yeffeɣ-d ass n : Laṛebɛa, 03 Meɣres 2021 10:41     Taggayt : TADAWSA-TUSSNA-TASNASTWILT     Ɣran-t : 89 n tikkal   Bḍu