Print this page

Anfafad Bu Tesmert (Covid-19) : Akman uzgin deg uxxam sɣezfen deg 19 n yigezda

Yeffeɣ-d ass n : Aynas, 01 Meɣres 2021 22:55   Ɣran-t : 129 n tikkal
  • Bḍu
Anfafad Bu Tesmert (Covid-19) : Akman uzgin deg uxxam sɣezfen deg 19 n yigezda

LEZZAYER  TAMANEƔT - Yeɣtes Unabaḍ, seg d-iweṣṣa uselway n Tegduda, Mass Abdelmadjid Tebboune, akken ad sɣezfen s mraw d semmus (15) n wussan i ukman uzgin deg uxxam, seg usrag wis 22h ar wis 5h n uzekka-nni, deg mraw d tẓa (19) n yigezda n tmurt, seg wass n usinas 2 meɣres d afella, deg ukatar n uɣawas n usefrek n tezɣent tadawsant yeqqnen ɣer waṭan n Unfafad Bu Tesmert (Covid-19), i d-yenna ass n uynas (letniyen) yiwen n ulɣu n yimeẓla n uneɣlaf Amenzu, ha-tt-an tukkist seg uḍris :

« Deg ukatar n usnas n lewṣayat n Mass Aselway n Tegduda, Mass Abdelmadjid Tebboune, Aɣella Unnig n Tdusiwin tumrigin, Aneɣlaf n Temḥaddit Taɣelnawt, seg yerna yemcawar akked tesqamut tussnant n uḍfar n umhaz n waṭan n Unfafad Bu Tesmert (Covid-19) akked udabu adawsan, yeɣtes Uneɣlaf Amenzu Mass Abdelaziz Djerad akaten-a akken ad ten-yesnes deg ukatar n uɣawas n usefrek n tezɣent tadawsant yerzan aṭan n Unfafad Bu Tesmert (Covid-19).

Yers am wakken yennum deg yiswi n uḥareb ɣef tdawsa n uɣerman akked ad tqabel akk imihiten n uzuzzer n Unfafad Bu Tesmert (Covid-19) i tellel tikli ilan leḥder d lsas-is, tiddin tardast tardast akked uleɣwi, akaten-a iswi-nsen d tiririt n yikaten yellan imira n umesten akked uḥareb almend n umhaz n liḥala n waṭan akked d usekcem n kra n yigezda imuyna.

Akaten-a d wi :

1. Deg wayen yerzan akman uzgin deg uxxam :

Akaten n ukman uzgin deg uxxam yettawseɣzef, s uzal n yiwet n tenzagt deg-s mraw d semmus (15)n wussan, am wakken i tt-id-nefka s wadda-a :

- Akat n ukman uzgin deg uxxam seg usrag wis simraw d sin (22h) alamma d azekka-nni ɣef usrag wis semmus (5h) n tnezzut ad yettwasnas deg mraw d tẓa (19) n yigezda-a : Tabatent, Tibeskert, Blida, Tubiret, Tibest, Tlemsan, Tizi Wezzu, Lezzayer, Ǧiǧel, Sidi Belɛebbas, Qsenṭina, Msetɣanem, Msila, Wehran, Bumerdas, Ṭṭaref, Tisemsilt Timucent akked Ɣilizan.

- Ur yerzi ara wakat-a n ukman deg uxxam kramraw d tẓa (39) n yigezda-a : Adrar, Clef, Leɣwaḍt, Um Lebwagi, Bgayet, Beccar, Tamenɣast, Tihert, Ǧelfa, Sṭif, Sɛida, Skikda, Ɛennaba, Galma, Mdiya, Mɛesker, Waregla, Lbeyyeḍ, Illizi, Lberǧ Buɛririǧ, Tinduf, Wad Suf, Tixencelt, Ssuq Ahras, tipaza, Mila, Ɛin Defla, Nɛama, Taɣerdayt, Timimun, Lberǧ Baǧi Lmexttar, Ulad Ǧellal, Bni Ɛebbas, In Salah, In Gezzam, Tuggurt, Ǧanet, Mɣayer akked Mniɛa.

Akaten-a n ukman ad ttwasnasen seg wass n usinas (ttlata) 2 meɣres 2021 d afella.

Anfafad Bu Tesmert (Covid-19) : Akman uzgin deg uxxam sɣezfen deg 19 n yigezda
  Yeffeɣ-d ass n : Aynas, 01 Meɣres 2021 22:55     Taggayt : TADAWSA-TUSSNA-TASNASTWILT     Ɣran-t : 129 n tikkal   Bḍu