Menu principal

Menu principal

Teffeɣ-d yiwet n tmeskalt tabriṭanit : yessefk ad nqader akaten n uḥezzeb

Yeffeɣ-d ass n : Letniyen, 01 Meɣres 2021 02:01   Ɣran-t : 172 n tikkal
Teffeɣ-d yiwet n tmeskalt tabriṭanit : yessefk ad nqader akaten n uḥezzeb

LEZZAYER  TAMANEƔT - Yeɣra-d unemhal amatu n Usudu Pasteur n Lezzayer (IPA), Fawzi Derrar, ass n usiḍyas (ssebt) deg Lezzayer tamaneɣt, ɣef wakken yessefk ad nqader « s umqit akked tseddi » akaten n uḥezzeb mgal n uzuzzer n Unfafad Bu Tesmert (Covid-19), seg i nessekles snat n liḥalat timezwura n tmeskalt tabriṭanit deg Lezzayer.

Yezzireg-d umasay amezwaru n Usudu Pasteur n Lezzayer (IPA), deg yiwet n tseɣrut i tɣamsa seg tekfa tfugla n ustenyi n yiwen n umtawa gar usegnaf n Bni Messus akked teṛmist Lezzayer Télécom (AT), dakken « aqader n wakaten n uḥezzeb ad sḥebsen azuzzer n tmeskalt tabriṭanit » yerna d axatar uḍfar n upruṭukul adawsan i wakken ad nennaɣ mgal uzuzzer n unfafad ».

Ifuṛes tagnit yesseddi-d dakken liḥala tadawsant n tmurt « tgerrez » yerna aql-aɣ la « nesseklas izwilen addayen deg imaḍal ».

Yenna-d umsujji Derrar dakken Asudu Pasteur « la iselleḍ tagezzayt » yerna ur yerzi ara kan anagar tameskalt tabriṭanit, maca yeḍmen-d Usudu n Tesnatwilin n Wučči (ITA) daɣen, ɣef wakken i d-yenna Umsujji Derrar, dakken tella tɛessast n wakk timeskalin-iḍen n unfafad Bu Tesmert (Covid-19) yuzzaren deg umaḍal ».

Anemhal amatu n Usudu n Tesnatwilin n Wučči (ITA), yerna yenna-d, dakken azuzzer n tmeskalt tabriṭanit deg Lezzayer « nuki-as », ma nwala amek i tetteddu tmeskalt-a deg umaḍal.

Teffeɣ-d yiwet n tmeskalt tabriṭanit : yessefk ad nqader akaten n uḥezzeb
  Yeffeɣ-d ass n : Letniyen, 01 Meɣres 2021 02:01     Taggayt : TADAWSA-TUSSNA-TASNASTWILT     Ɣran-t : 172 n tikkal   Bḍu