Menu principal

Menu principal

Anfafad Bu Tesmert (Covid-19) : 223 n liḥalat timaynutin, 178 n wid ijin akked tmettant n 2 imuḍinen

Yeffeɣ-d ass n : Asamas, 07 Fuṛaṛ 2021 12:02   Ɣran-t : 0 n tikkal
Anfafad Bu Tesmert (Covid-19) : 223 n liḥalat timaynutin, 178 n wid ijin akked tmettant n 2 imuḍinen

 

LEZZAYER  TAMANEƔT – Sin n yimiḍiyen simraw d kraḍ (223) n liḥalat timaynutin yettwatebten i yeṭṭef unfafad Bu Tesmert (Covid-19), 178 n wid ijin akked tmettant n 2 n yimuḍinen i yettwakelsen deg 24 n yisragen-a ineggura deg tmurt n Lezzayer, i d-yenna ass n usiḍyas (ssebt) deg Lezzayer tamaneɣt umutlay n Tesqamut tussnant n uḍfar n umhaz n waṭan n unfafad Bu Tesmert Covid-19, Amsuji Djamel Fourar.

 

Aɣrud n liḥalat yettwatebten yewweḍ ar 108.852 ideg llant 223 n liḥalat timaynutin, akka nessaweḍ ar 0,5 n liḥalat i 100.000 n yimezdaɣen deg 24 n yisragen-a ineggura, win n tmettanin ar 2.911 n liḥalat, ma d amḍan n yimuḍinen ijin yezger ar 74.508, i d-yesseddi Umsuji Fourar deg temlilit tayalast akked tɣamsa yerzan amhaz n waṭan n unfafad Bu Tesmert Covid-19.

 

Rnu-as, deg 23 n yigezda skelsen, deg 24 n yisragen-a ineggura, ddaw n 9 n liḥalat, deg 17 igezda-iḍen ur skelsen ula d yiwet n liḥala tamaynut, ma deg 8 n yigezda skelsen ugar n 10 n liḥalat.

 

Seg yidis-iḍen, 21 n yimuḍinen ha-ten-in ddaw n tmacinin n usnuffes, i yerna yenna-d umsuji Fourar.

 

Yezzireg-d umasay-nni dakken liḥala tasenbayyurant n yimir-a tḥettem-d ɣef uɣerman taɛessast akked uqader n yilugan n tezdeg akked usmecceq afekkan, yesmekti-d daɣen aqader n ukman akked tmelsiwt n tgelmust.

 

 

 

Anfafad Bu Tesmert (Covid-19) : 223 n liḥalat timaynutin, 178 n wid ijin akked tmettant n 2 imuḍinen
  Yeffeɣ-d ass n : Asamas, 07 Fuṛaṛ 2021 12:02     Taggayt : TADAWSA-TUSSNA-TASNATWILT     Ɣran-t : 0 n tikkal   Bḍu