Menu principal

Menu principal

Aɣtas n usmeskel n tgezzayin mgal n unfafad Bu Tesmert « yenfeɛ yerna iwata »

Yeffeɣ-d ass n : Asinas, 19 Yennayer 2021 12:59   Ɣran-t : 0 n tikkal
Aɣtas n usmeskel n tgezzayin mgal n unfafad Bu Tesmert « yenfeɛ yerna iwata »

LEZZAYER  TAMANEƔT - Aselway n Tnegga taɣelnawt n tɣellist tadawsan, Kamel Senhadji yenna-d, ass n uynas (letniyen) deg Lezzayer tamaneɣt, dakken aɣtas n usmeskel n tgezzayin mgal n unfafad Bu Tesmert « yenfeɛ yerna iwata », yerna yenna-d dakken tigezzayin-a sɛant akk isemda i d-yeṭṭafaren « unnimen ».

Yemmeslay-d deg temdeswalin n Ṛṛdyu taɣelnawt, Mass Senhadji yenna-d dakken « timsizzelt tagraɣlant i d-yeḍran ɣef win ara d-yawin tigezzayin mgal n Unfafad Bu Tesmert (Covid-19) tessaweḍ Lezzayer akked mennaw n tmura-iḍen akken ad fernen asmeskel n tgezzayin », yenna-d ɣef uɣtas-a « yenfeɛ yerna iwata acku d allal ayiwnan i wakken ad nqabel aṭan i mazal yezga d imihi i talsa ».

Yerna yenna-d : « Akk tigezzayin wehhant ɣer yiwen n yiswi : afares n temgal-fekka mgal n unfafad Bu Tesmert (Covid-19), amgared yella kan deg tarrayt n uɣfar-nsent, asmeskel deg tiwin n tgezzayin mgal n Unfafad Bu Tesmert (covid-19) ulac deg-s amihi ɣef tdawsa n uɣerman ».

Ad nesmekti dakken aneɣlaf n Teɣwal, amutlay n Unabaḍ, Ammar Belhimer icar-d melmi kan dakken Lezzayer termes-d akuli n tgezzayt n mgal n waṭan n unfafad Bu Tesmert (Covid-19), i d-yekkan seg tmurt n Ccinwa, « send ad yekfu wayyur n yennayer ideg nella », yesseddi-d dakken  « ugar tagezzayt tarusit, la tettraǧu Lezzayer ad tt-id-yaweḍ ukuli n tgezzayt mgal n Unfafad Bu Tesmert (Covid-19) i d-yekkan seg Tegduda taɣerfant n Ccinwa ».

 

 

 

Aɣtas n usmeskel n tgezzayin mgal n unfafad Bu Tesmert « yenfeɛ yerna iwata »
  Yeffeɣ-d ass n : Asinas, 19 Yennayer 2021 12:59     Taggayt : TADAWSA-TUSSNA-TASNATWILT     Ɣran-t : 0 n tikkal   Bḍu