Print this page

Uznen tuɣdaḍt tasnajyant tazzayrit tis snat ɣer Muriṭanya

Yeffeɣ-d ass n : Letniyen, 18 Yennayer 2021 10:25   Ɣran-t : 1 n tikkal
  • Bḍu
Uznen tuɣdaḍt tasnajyant tazzayrit tis snat ɣer Muriṭanya

LEZZAYER TAMANEƔT – Ad tettwazen tuɣdaḍt tazzayrit tis snat ɣer Muriṭanya ass n uynas akken ad tedhel tamurt-a taweltmat, ɣef wakken ay d-yenna, ass n usamas, uɣlif n tdawsa.

Tuɣdaḍt-a tasnajyant tazzayrit yella deg-s unemhal amatu n Usudu n Tdawsa Tanagdudt, tanemhalt n tnesfart, anmazul n unemhal n umeẓlu n yiɣbula ilsanen, anemhal n usileɣ deg uɣlif n tdawsa d yimazzayen seg tegrawt n Saidal yernu ad allen aɣlif n tdawsa amuriṭani akken ad d-yesseɣnew tanesfart talemmast n usedger n yisafaren.

Tuɣdaḍt tasnajyant tamezwarut ddan deg-s yimsujjiyen imesduzen-imesduyen d yimsatwilen n tdawsa yernu tedda ass n 4 Yennayer ɣer Muriṭanya ddaw tmehla n uneɣlaf n tdawsa d unemhal anesmigal d-yelhan s tsemmeskelt n yisegnafen, Smail Mesbah. Tamegla taɣlifant yemmuger-itt uneɣlaf amuriṭani n tdawsa, Nedhirou Ould Hamed.

Tirzi-a tella-d d tagnit iwatan i tmagliwin n snat-a n tmura akken ad gent tiɣimit n umahil i usbadu n wammaken n unmireg deg unrar n tdawsa. Mass Nedhirou ixebber-d dakken tamurt-nnes teɣs ad d-tfareṣ seg termit n Lezzayer deg unrar n usileɣ, isafaren d tallalt i useɣnew n tneɣraft n ufares n wuksijin d wurrigen isnajyanen.

Ma d aneɣlaf azzyari n tdawsa, Mass Benbouzid, yenna-d dakken iduba izzayriyen wejden ad d-fken tallalt-nsen i tmurt-a taweltmat deg unrar n tdawsa yernu ad tessewseɛ anmireg-nnes s wakat alemmas d wubɛid.

Tamagla tazzayrit yemmuger-itt daɣ uneɣlaf amenzu n Muriṭanya, Mohamed Ould Bilal. Deg umager-a, xebbren-d sin-a n yimasayen dakken ur tettɛeḍḍil ara ad tettwazmel temyaqqant n unmireg deg tɣult n tdawsa.

 

Uznen tuɣdaḍt tasnajyant tazzayrit tis snat ɣer Muriṭanya
  Yeffeɣ-d ass n : Letniyen, 18 Yennayer 2021 10:25     Taggayt : TADAWSA-TUSSNA-TASNASTWILT     Ɣran-t : 1 n tikkal   Bḍu