Menu principal

Menu principal

Anfafad bu uqacuc: 598 n tejṛa timaynutin, 508 n tujjyiwin d 15 n tmettanin

Yeffeɣ-d ass n : Akwas, 10 Dujembeṛ 2020 12:09   Ɣran-t : 0 n tikkal
Anfafad bu uqacuc: 598 n tejṛa timaynutin, 508 n tujjyiwin d 15 n tmettanin

 

 

LEZZAYER TAMANEƔT- Semmuset n tmaḍ tẓamraw tam (598) n tejṛa timaynutin n unfafad bu uqacuc, jjin 508 n yimuḍinen yernu mmuten 15 niḍen deg tecrawt taneggarut ay d-tessuffeɣ Tseqqimt Tussnant n Uḍfar n Umhaz n Tkaɣreft n Unfafad bu Uqacuc, ɣef wakken ay d-yenna, ass n usiḍyas deg Lezzayer Tamaneɣt, Uduktur Djamel Fourar.

 

Lezzayer tekles-d aɣrud n 90.014 n tejṛa n unfafad bu uqacuc, gar-asent 598 n tejṛa timaynutin neɣ 1,4 n tejṛa i yal 100.000 n yimezdaɣen deg tecrawt taneggarut. Aɣrud n tmettanin yewweḍ ɣer 2554 n tejṛa. Ma d aɣrud n yimuḍinen yejjin yewweḍ ɣer 58.146 ɣef wakken ay d-yenna Uduktur Fourar deg umyager n tɣemsa ay d-yettilin i uḍfar n tkaɣreft n waḍḍan n Covid-19.

 

Seg yidis niḍen, 14 twilayin ay d-iḥesben gar 1 d 9 n tejṛa. 16 n twilayin ur d-klisent ula d yiwet n tejṛut, deg wakud aydeg 18 n twilayin kelsent-d ugar n 10 n tejṛa.

 

Seg tama niḍen, 42 n yimuḍinen ay yellan, imir-a, deg usesfer aneẓẓaw, ɣef wakken ay d-ixebber.

 

Amasay-a iwekked-d dakken tagnit tasenbayyurant aydeg tella tmurt d tin ay d-icerḍen ɣef yal aɣerman ad yesɛu taɣḍeft yernu ad yezrek ilugan n wuɣus d umgugu afekkan, am wakken yal aɣerman yessefk ad yeqqen tagelmust yernu ad yezrek asekmen.

 

 

 

Anfafad bu uqacuc: 598 n tejṛa timaynutin, 508 n tujjyiwin d 15 n tmettanin
  Yeffeɣ-d ass n : Akwas, 10 Dujembeṛ 2020 12:09     Taggayt : TADAWSA-TUSSNA-TASNATWILT     Ɣran-t : 0 n tikkal   Bḍu