Menu principal

Menu principal

Anfafad bu uqacuc: 397 n tejṛa timaynutin, 271 n tujjyiwin d 10 n tmettanin 

Yeffeɣ-d ass n : Asimwas, 28 Ɣuct 2020 10:55   Ɣran-t : 0 n tikkal
Anfafad bu uqacuc: 397 n tejṛa timaynutin, 271 n tujjyiwin d 10 n tmettanin 

LEZZAYER TAMANEƔT – Ttwawekkdent-d kraḍt n tmaḍ tẓamraw sat (397) n tejṛa timaynutin, 271 n tujjyiwin d 10 n tmettanin deg 24 n yisragen ineggura deg Lezzayer, ɣef wakken ay d-yenna, ass n ukwas deg Lezzayer Tamaneɣt, umutlay n Tseqqimt Tussnant n Uḍfar n Umhaz n Tkaɣreft n Unfafad bu Uqacuc, Aduktur Djamel Fourar.

Aɣrud n tejṛa d-yettwawekkden yewweḍ ɣer 43.016, gar-asen 397 n tejṛa timaynutin, neɣ 0,9 i yal 100.000 n yimezdaɣen deg 24 n yisragen ineggura. Ma d aɣrud n yimuḍinen yemmuten yewweḍ ɣer 1475. Win n yimuḍinen yejjin yewweḍ ɣer 30.157, ɣef wakken ay d-yenna Uduktur Fourar deg umyager n tɣemsa ay d-yellan ɣef umhaz n tkaɣreft n unfafad bu uqacuc.

Seg yidis niḍen, 21 n twilayin aydeg d-ttwawekkdent gar 1 d 9 n tejṛa, 13 niḍen wekkden-d deg-sent ugar n 10 n tejṛa, ma d 14 n twilayin niḍen ur d-wekkdent ula d yiwet n tejṛut.

Seg tama niḍen, 28 n yimuḍinen ay yellan, imir-a, deg usesfer aneẓẓaw, ɣef wakken ay d-yerna Uduktur Fourar.

Deg tgara, yenna-d umasay-a dakken tagnit tasenbayyurant aydeg tella tmurt imir-a d tin ay d-iḥettmen ɣef yal aɣerman akken ad yezrek ilugan n wuɣus d umgugu afekkan, am wakken ay yessefk daɣ yal yiwen ad yezrek asekmen yernu ad yeqqen tagelmust.

 

 

Anfafad bu uqacuc: 397 n tejṛa timaynutin, 271 n tujjyiwin d 10 n tmettanin 
  Yeffeɣ-d ass n : Asimwas, 28 Ɣuct 2020 10:55     Taggayt : TADAWSA-TUSSNA-TASNATWILT     Ɣran-t : 0 n tikkal   Bḍu