Menu principal

Menu principal

Anfafad bu uqacuc: 391 n tejṛa timaynutin, 299 n tujjyiwin d 9 n tmettanin

Yeffeɣ-d ass n : Akwas, 27 Ɣuct 2020 12:26   Ɣran-t : 0 n tikkal
Anfafad bu uqacuc: 391 n tejṛa timaynutin, 299 n tujjyiwin d 9 n tmettanin

LEZZAYER TAMANEƔT – Ttwawekkdent-d kraḍt n tmaḍ tẓamraw yiwet (391) n tejṛa n unfafad bu uqacuc, 299 n tujjyiwin d 9 n tmettanin deg 24 n yisragen ineggura deg Lezzayer, ɣef wakken ay d-yenna, ass n ukras deg Lezzayer Tamaneɣt, umutlay n Tseqqimt Tussnant n Uḍfar d Umhaz n Tkaɣreft n Unfafad bu Uqacuc, Aduktur Djamel Fourar.

Aɣrud n tejṛa d-yettwawekkden yewweḍ, s waya, ɣer 42.619, gar-asent 391 n tejṛa timaynutin neɣ 0,9 i yal 100.000 n yimezdaɣen deg 24 n yisragen ineggura, ma d aɣrud n tmettanin yewweḍ ɣer 1.465, ma d amḍan n yimuḍinen yejjin yewweḍ ɣer 29.886, ɣef wakken ay d-yenna Uduktur Fourar deg umyager ayalas n tɣemsa ay d-yellan ɣef umhaz n tkaɣreft n unfafad bu uqacuc.

Seg yidis niḍen, 21 n twilayin ay d-ikelsen gar 1 d 9 n tejṛa deg 24 n yisragen ineggura, deg wakud aydeg 10 n twilayin ay d-ikelsen nnig 10 n tejṛa. 17 n twilayin ur d-klisent ula d yiwet n tejṛut.

Seg tama niḍen, 28 n yimuḍinen ay yellan deg usesfer aneẓẓaw, ɣef wakken ay d-yenna Uduktur Fourar.

Deg tgara, iwekked-d umasay-a dakken tagnit tasenfayyurant n tmurt d tin ay d-iḥettmen dakken yal aɣerman yessefk ad iḥader iman-nnes, ad yezrek ilugan n wuɣus d wid n usekmen yernu ad yeqqen tagelmust.  

 

 

Anfafad bu uqacuc: 391 n tejṛa timaynutin, 299 n tujjyiwin d 9 n tmettanin
  Yeffeɣ-d ass n : Akwas, 27 Ɣuct 2020 12:26     Taggayt : TADAWSA-TUSSNA-TASNATWILT     Ɣran-t : 0 n tikkal   Bḍu