Menu principal

Menu principal

Anfadad bu uqacuc: 398 n tejṛa timaynutin, 227 n tujjyiwin d 11 n tmettanin

Yeffeɣ-d ass n : Asinas, 25 Ɣuct 2020 11:28   Ɣran-t : 0 n tikkal
Anfadad bu uqacuc: 398 n tejṛa timaynutin, 227 n tujjyiwin d 11 n tmettanin

LEZZAYER TAMANEƔT – Ttwawekkdent-d kraḍt n tmaḍ tẓamraw tamet (398) n tejṛa timaynutin n unfafad bu uqacuc, am wakken ay jjin 227 n yimuḍinen yernu mmuten 11 niḍen deg 24 n yisragen ineggura deg Lezzayer, ɣef wakken ay d-yenna, ass n uynas deg Lezzayer Tamaneɣt, umutlay n Tseqqimt Tussnant n Uḍfar n Umhaz n Tkaɣreft n Unfafad bu Uqacuc, Aduktur Djamel Fourar.

Aɣrud n tejṛa d-yettwawekkden yewweḍ ɣer 41.858, gar-asent 398 n tejṛa timaynutin neɣ 0,9 i yal 100.000 n yimezdaɣen deg tecrawt taneggarut, ma d aɣrud n tmettanin yewweḍ ɣer 1446. Amḍan n yimuḍinen yejjin yewweḍ ɣer 29.369, ɣef wakken ay d-yenna Uduktur Fourar deg umyager ayalas n tɣemsa ay d-yellan i uḍfar n umhaz n tkaɣreft n unfafad bu uqacuc.

Seg yidis niḍen, 11 n twilayin ay d-iwekkden, deg 24 n yisragen ineggura, gar 1 d 9 n tejṛa. 16 n twilayin niḍen wekkdent-d ugar n 10 n tejṛa, deg wakud aydeg 21 n twilayin ur d-wekkdent ula d yiwet n tejṛut.

Seg tama niḍen, 37 n yimuḍinen ay yellan, imir-a, deg usesfer aneẓẓaw, ɣef wakken ay d-yerna Uduktur Fourar.

Deg tgara, iwekked-d umasay-a dakken tagnit tasenbayyurant aydeg tella tmurt imir-a d tin ay d-iḥettmen ɣef yal aɣerman ad iqader ilugan n wuɣus d umgugu afekkan, am wakken ay d-yesmekti dakken yessefk ad qadren yiɣermanen asekmen yernu ad tteqqnen tigelmusin.

 

 

Anfadad bu uqacuc: 398 n tejṛa timaynutin, 227 n tujjyiwin d 11 n tmettanin
  Yeffeɣ-d ass n : Asinas, 25 Ɣuct 2020 11:28     Taggayt : TADAWSA-TUSSNA-TASNATWILT     Ɣran-t : 0 n tikkal   Bḍu