Menu principal

Menu principal

Anfafad bu uqacuc: 392 n tejṛa timaynutin, 268 n tujjyiwin d 11 n tmettanin

Yeffeɣ-d ass n : Aynas, 24 Ɣuct 2020 12:17   Ɣran-t : 0 n tikkal
Anfafad bu uqacuc: 392 n tejṛa timaynutin, 268 n tujjyiwin d 11 n tmettanin

LEZZAYER TAMANEƔT – Ttwawekkdent-d kraḍt n tmaḍ tẓamraw snat (392) n tejṛa timaynutin n unfafad bu uqacuc, jjin 268 n yimuḍinen yernu mmuten 11 niḍen seg 24 n yisragen ineggura deg Lezzayer, ɣef wakken ay d-yenna, ass n usamas deg Lezzayer Tamaneɣt, umutlay n Tseqqimt Tussnant n Uḍfar n Umhaz n Tkaɣreft n Unfafad bu Uqacuc, Aduktur Djamel Fourar.

Yewweḍ uɣrud n tejṛa d-yettwawekkden ɣer 41.460, gar-asent 392 n tejṛa timaynutin neɣ 0,8 n tejṛa i yal 100.000 n yimezdaɣen deg 24 n yisragen ineggura. Ma d aɣrud n wid yemmuten yewweḍ ɣer 1435, ma d win n yimuḍinen yejjin yewweḍ ɣer 29.142, ɣef wakken ay d-yenna Uduktur Fourar deg umyager ayalas n tɣemsa i uḍfar n tkaɣreft n unfafad bu uqacuc.

Nnig waya, 18 n twilayin ay d-ikelsen, deg 24 n yisragen ineggura, gar 1 d 9 n tejṛa, 13 n twilayin kelsent-d ugar n 10 n tejṛa, ma d 17 n twilayin ur d-klisent ula d yiwet n tejṛut.

Seg yidis niḍen, 41 n yimuḍinen ay yellan, imir-a, deg usesfer aneẓẓaw, ɣef wakken ay d-yerna Uduktur Fourar.

Deg tgara, yenna-d umasay-a dakken tagnit tasenbayyurant aydeg tella tmurt d tin ay d-iḥettmen ɣef yal aɣerman ad iqader ilugan n wuɣus d umgugu afekkan, am wakken ay d-yesmekti dakken yessefk ad qadren medden akaten n usekmen am wakken ay yessefk ad tteqqnen tigelmusin.

 

Anfafad bu uqacuc: 392 n tejṛa timaynutin, 268 n tujjyiwin d 11 n tmettanin
  Yeffeɣ-d ass n : Aynas, 24 Ɣuct 2020 12:17     Taggayt : TADAWSA-TUSSNA-TASNATWILT     Ɣran-t : 0 n tikkal   Bḍu