Menu principal

Menu principal

Tukksa n usekmen: Tuqqla n urmud adamsan ad yebḍu ɣef sin n yiḥricen yernu ad yebdu deg 7 Yunyu

Yeffeɣ-d ass n : Asimwas, 05 Yunyu 2020 12:24   Ɣran-t : 4 n tikkal
Tukksa n usekmen: Tuqqla n urmud adamsan ad yebḍu ɣef sin n yiḥricen yernu ad yebdu deg 7 Yunyu

ZZAYER TAMANEƔT – Tuqqla n yirmuden idamsanen, inezzanen d yimeẓla ad tebdu seg wass n usamas 7 Yunyu 2020 yernu ad tebḍu ɣef sin n yiḥricen ɣef leḥsab n uɣawas n tukksa n usekmen ay d-iheyya unabaḍ, ɣef wakken ay d-nnan yimeẓla n uɣlif amenzu deg yiwen n ulɣu.

« Tuqqla n yirmuden idamsanen, inezzanen d yimeẓla ad d-yili s tewtilt n uqader umqit n wakaten umqiten n uḥezzeb adawsan deg yideggen n umahil neɣ n umsegraw », ɣef wakken ay d-yenna uɣbalu-a ay d-yernan dakken « ineggafen idawsanen n uḥezzeb yerzan yal armud yessefk ad ttwaqadren s umqat yernu ad ten-sensen akk yimsemhal, imsenza, imsaɣen d yiseqdacen n yimeẓla ».

S waya, aɣawas n tuqqla tafarant n yirmuden idamsanen, inezzanen d yimeẓla ad d-yili, naqal, s snat n takkayin. Takkayt tamezwarut ad d-tebdu ass n usamas 7 Yunyu 2020, deg wakud aydeg tis snat ad tebdu seg 14 Yunyu 2020 d asawen, ɣef wakken ay d-yenna uɣbalu-a.

Takkayt tamezwarut terza tuqqla n yirmuden deg mennaw n yigzumen, gar-asen timeṣkiwt d yimahilen inagduden (ula d asduget d tnariyin n tezrawt am tsegda, asɣiwes amdinan, tasmedna taɣarimt), asuddes n umesni n yimahalen (ara ḍemnent teṛmisin). Amesni-a ad yettwassireg akken ad yeddu seg tis 5:00 n tnezzayt arma d tis 7:00 n tmeddit s uqader n lewṣayat tidawsanin d tɣellist yerzan aya.

Deg wayen yerzan tuqqla n urmud anezzan d yimeẓla, aya ad yerzu, deg tazwara inḍen yettgen tasiṛamit, imsaldunen, inesramen, imekla, tineggiwin n usikel, tineggiwin taṣukanin, asenzi n yifarisen n tenḍi, ixerrazen d yimegniyen d yirmuden n uṣeggem.

Daɣ, ad d-qqlen yirmuden n usenzi n tɣawisin n uxxam d udlag, tiɣawsiwin n waddal, asenzi n wuraren d yilellac, tasrekt d tmiẓiḍt, timagrisin d tissitin, učči arurad (ala i wawway, ulac učči deg tḥanut), asenzi n tɣawsiwin n wusu d ccac n tduli, asenzi n yisuga itersaddaren, asenzi n yifarisen n ushuski d wuɣus, asenzi n tjeǧǧigin, tinectalin, imsenza n tugiwin n udawi, istidyuten n usewlef, aswar n yiɣawasen d usukken.  

Tinucfin ad alsent ad reẓment (maca iḥemmamen ad qqimen medlen) am wakken ara d-yeqqel urmud n uṣeggem, azuɣer n tkeṛṛusin ixeṣren, asired n tkeṛṛusin, tigennariyin n tẓuri, asenzi n wallalen n uẓawan, asenzi n tɣawsiwin tiqburin, tinedlisin d tenferkiyin, timesriyin n ursam n yirgazen d wulzuzen n lmal.

Seg yidis niḍen, aɣawas n tuqqla tafarant n urmud ara yebdun ass n 14 Yunyu 2020 ad yerzu irmuden inezzanen d yidamsanen ara d-yettwasmagin seg-a ar ass-nni yernu ad d-yili waya ɣef leḥsab n umhaz n tegnit tadawsant d tiddit n medden. Aya ad yerzu, ladɣa, amesni s uṭaksi, tineččiyin d yiɣsuren n tissit.

 

Tukksa n usekmen: Tuqqla n urmud adamsan ad yebḍu ɣef sin n yiḥricen yernu ad yebdu deg 7 Yunyu
  Yeffeɣ-d ass n : Asimwas, 05 Yunyu 2020 12:24     Taggayt : TADAWSA-TUSSNA-TASNATWILT     Ɣran-t : 4 n tikkal   Bḍu