Menu principal

Menu principal

Mraw yiwen (11) n wadiken n tmurɣit ay d-yellan ass n usamas deg 6 n twilayin

Yeffeɣ-d ass n : Aynas, 15 Ɣuct 2022 13:23   Ɣran-t : 27 n tikkal
Mraw yiwen (11) n wadiken n tmurɣit ay d-yellan ass n usamas deg 6 n twilayin

ZZAYER TAMANEƔT – Mraw yiwen (11) n wadiken n tmurɣit ay d-yellan, ass n usamas, deg 6 n twilayin, ɣef wakken ay d-tenna Tmehla Tamatut n Umesten Aɣarim, ay d-yernan dakken ssawḍen ad sseɣsin yiwet seg tmurɣiyin-a.

« Nekles-d, tanezzayt-a, 11 n wadiken n tmurɣiyin deg twilayin n Bgayet (3), Skikda (3), Ṭṭaref (2, yiwet teɣsi), Um Lebwaqi (1) d Tipaza (1) », ɣef wakken ay d-yenna udunemhal n tesnaddadin d uselɣu deg Tmehla Tamatut n Umesten Aɣarim, aknaner Farouk Achour, yernu yenna-d dakken tayunin n umesten aɣarim ssawḍent ad sseɣsint, ass n usiḍyas, 47 n wadiken n tmurɣit deg 12 n twilayin.

Tiwilayin ay terza temsalt d Bgayet (19), Sḍif d Skikda (6), Ǧiǧel (4), Ṭṭaref (3),Tlemsan d Cclef (2), Tubiret, Tisemsilt, Tipaza, Qsenṭina d Um Lebwaqi.

Seg yidis niḍen, ixebber-d uknaner Achour dakken Tamehla Tamatut n Umesten Aɣarim tekles-d, seg tezwara n Yunyu ar ass-a, 889 n tmurɣiyin n tẓegwa d yimudaɣ deg twilayin n Bgayet, Sḍif, Ǧiǧel d Skikda.

 Timurɣiyin-a sxeṣrent 532,42 n yiqeṭṭaren n tẓegwa, 668,50 n yiqeṭṭaren n yimudaɣ akked  579,16 n yiqeṭṭaren n ufersun. Ta d tacrawt ineqsen aṭas ɣef leḥsab n tin n yilindi, ɣef wakken ay d-yerna uɣbalu-a.

Deg 2021, tekles-d Tmehla Tamatut n Umesten Aɣarim 8.450 n tmurɣiyin d lexṣara n 10.029 n yiqeṭṭaren n tẓegwa, 2.963 n yiqeṭṭaren n yimudaɣ d 3.673 n yiqeṭṭaren n ufersun, ɣef wakken ay d-yenna uknaner Achour.

Deg wayen yerzan ssebba n tmurɣiyin-a, yenna-d uknaner Achour dakken yewɛeṛ ad ẓren, maca maci d awezɣi dakken kra seg-sen d imdanen ay ten-id-yesnekren, deg wakud aydge wiyaḍ d aɣurar ay d ssebba-nsen.

 

Last modified on Asamas, 21 Ɣuct 2022 14:26
Mraw yiwen (11) n wadiken n tmurɣit ay d-yellan ass n usamas deg 6 n twilayin
  Yeffeɣ-d ass n : Aynas, 15 Ɣuct 2022 13:23     Taggayt : TIMNAḌIN     Ɣran-t : 27 n tikkal   Bḍu