Menu principal

Menu principal

Tameɣra n Ukeṛmus deg Tizi Uzzu: Aselket d ayen ara d-yesrebḥen ugar

Yeffeɣ-d ass n : Asamas, 14 Ɣuct 2022 14:00   Ɣran-t : 41 n tikkal
Tameɣra n Ukeṛmus deg Tizi Uzzu: Aselket d ayen ara d-yesrebḥen ugar

TIZI UZZU – Akeṛmus d imɣi d-yemmezgen mliḥ d twennaḍt n Tmurt n Leqbayel yernu aselket-nnes d ayen ay izemren ad yernu ad d-yessidef ugar n yidrimen, ɣef wakken ay d-wekkden, ass n usiḍyas, yimedrawen deg teẓrigt tis 9 n Tmeɣra n Ukeṛmus ay d-yellan deg teɣremt n Ssaḥel deg tɣiwant n Buzeggan (anẓul-agmuḍan n Tizi Uzzu).

Fadhela Bakouche, yellan seg teɣlamt ay yessuddsen tadyant-a, tenna-d i Tnegga n Yisalan n Zzayer, dakken « aselket n ukeṛmus yezmer ad yalel tiwaculin akken ad rnunt ad rebḥent ugar n yidrimen, ladɣa deg wayen yerzan iɣsan n ukeṛmus yellan d afaris d-yettwassutren deg tesnajya d ushuski ».

Seg yidis-nnes, Arezki Imakhmoukhen, yellan d imzikken deg tedyant-a, yessegza-d i yinerzafen d yimkerrazen, tarrayin tigejdanin n tuẓut n ukeṛmus, yernu yenna-d dakken win ara t-yeskurrzen yezmer ad yeg aya ama akken ad yessenz agummu n yimɣi-a, niɣ ad d-yekkes seg-s iɣsan-nnes ayseg ara d-ssfen azatim.

Daɣ, iḥder n ukeṛmus d win aydeg d-ssuddumen mennaw n yifarisen. Llan wid ay d-yettgen yes-s taclaḍt, am wakken ay tt-ttetten deg seksu. Daɣ, agummu n ukeṛmus ttgen-d yes-s amerkuc, am wakken ay d-ttgen yes-s iẓem.

Tameɣra n ukeṛmus tebda ass n ukwas yezrin yernu ad tfuk ass n usiḍyas. Ta d tameɣra ay yeǧǧan isemmuras ad rzun ɣef yiɣrem n Ssaḥel akken ad ssnen afaris-a d wakk ayen izemren ad yettweg yes-s. I usmekti, iɣrem n Ssaḥel yewwi arraz n yiɣrem azedgan akk deg 2019.

 

Last modified on Aynas, 15 Ɣuct 2022 13:25
Tameɣra n Ukeṛmus deg Tizi Uzzu: Aselket d ayen ara d-yesrebḥen ugar
  Yeffeɣ-d ass n : Asamas, 14 Ɣuct 2022 14:00     Taggayt : TIMNAḌIN     Ɣran-t : 41 n tikkal   Bḍu