Menu principal

Menu principal

Lbeyyeḍ: Ur tettwagzam ara tetrist i tɣiwanin ur ixellṣen asuder-nsent

Yeffeɣ-d ass n : Asinas, 09 Ɣuct 2022 15:16   Ɣran-t : 39 n tikkal
Lbeyyeḍ: Ur tettwagzam ara tetrist i tɣiwanin ur ixellṣen asuder-nsent

LBEYYEḌ - Yenna-d uselway-anemhal amatu n tegrawt n Sonelgaz, Mourad Adjal, ass n uynas deg Lbeyyeḍ, dakken tatrist ur tettwagzam ara i tɣiwanin n twilayt-a ur ixellṣen ara asuder-nsent.

Yenna-d umasay-a dakken ttunefkent tsunḍiwin i yimasayen n ugzun n teẓwert akken ur ttgen ara aya, yernu yella-d waya i ubaɣur n yiɣermanen.

Yenna-d Mass Adjal dakken aya yerza daɣ unan n usigeẓ n waman d yimeẓla n Teṛmist Tazzayrit n Waman, yernu yenna-d dakken akaten-a ttwaddmen i ubaɣur n uɣerman, yernu yella-d waya imi Soneglaz d « tagrawt taɣermant ».

Aselway-anemhal amatu n Sonelgaz yenna-d, deg yiwet n tɣimit n umahil gar yikataren ilemmasen n tegrawt-a d yiduba idiganen akked yimasayen n ugzum n teẓwert deg Lbeyyeḍ, dakken Sonelgaz tettalas 170 n yimelyaṛen n yidinaṛen i yimsaɣen-nnes deg wakk timnaḍin n tmurt.

Ableɣ n usuder ur yettwaxellṣen yerna s 4 n tikkal deg 3 n yiseggasen-a ineggura ɣef lǧal n tkaɣreft n Covid-19,  ɣef wakken ay d-yenna umasay-a ay d-yernan dakken tebda-d yiwet n temhelt n usuɣal s uncad n wid ur ixellṣen akken ad xellṣen tifatuṛin-nsen yernu ad slugnen tagnit-nsen.

Yerna-d Mass Adjal dakken ma yella imsaɣen ur ttxelliṣen ara tifatuṛin-nsen, aya yezmer ad yesswaɣ iseftiyen d uṣeggem n yisgulaf n Sonelgaz.

Seg yidis niḍen, ixebber-d dakken ttunefkent tsunḍiwin i usigeẓ n wakk iɣerbazen s tetrist d wurrig deg tuqqla taɣurbizt ay d-itteddun war ma xellṣen yiɣerbazen seg tazwara.

 

Last modified on Asamas, 14 Ɣuct 2022 14:02
Lbeyyeḍ: Ur tettwagzam ara tetrist i tɣiwanin ur ixellṣen asuder-nsent
  Yeffeɣ-d ass n : Asinas, 09 Ɣuct 2022 15:16     Taggayt : TIMNAḌIN     Ɣran-t : 39 n tikkal   Bḍu