Menu principal

Menu principal

Amulli wis 60 n uzarug : Tuggurt, d igazen imeqqranen i usnefli adamsan

Yeffeɣ-d ass n : Asamas, 24 Yulyu 2022 15:26   Ɣran-t : 8 n tikkal
Amulli wis 60 n uzarug : Tuggurt, d igazen imeqqranen i usnefli adamsan

TUGGURT – Agezdu n Tuggurt ad yebdu yiwet n tallit tamaynut n usnefli ameḍnay n tibbuɣert-is tagamant akken ad tuɣal d yiwen usefaylu amguran deg tkurt n Zzayer tamziregt tanayant.

Tettkel ad tedder akken yessefk asmal-is s aswir n ugezdu, i d-yeɣlin akked usfugel n umulli wis 60 n Uzarug, Tuggurt tesɛa ibaɣuren igamanen ara tt-yeǧǧen tezmer ad tcir yiwet n tigawt tameqqrant n usnefli deg un yigzumen, ladɣa win temguri.

Ibaɣuren-a, ara yerren tamnaḍt d asfaylu amguran aɣelnaw, rnan-asen tisemsedda n tallalt akked urafeq i iga uwanak deg yiwen n yiswi n usersi n tdumṣukin n lsas akked tikci i temnaḍt ugar n tjebda n yisenfaren akken ad ten-gen din.

Gemmu adamsan yellan deg temnaḍt, simmal la yettnerni, seg ttwaqeblen 600 n yisenfaren, ideg llan 57 bdan amahil deg mennaw n yigzumen, lebni n tnezduɣin, tamguri, lluzinat, tamguri n tgella akked yirmuden-iḍen.

Rsen yisenfaren-a deg yiwet n tjumma n wazal n 948 ha n wakal, timzal-a glant-d mačči kan s yiwet n tdinamit tadamsant deg temnaḍt, ttekkant s wazal ameqqran deg usmahel n yilemẓiyen s useɣnew n wugar n 1.620 n yimeḍqan n umahil, ɣef wakken i d-nnan yisefkan n Tmehla n temguri.

Rnu-d i waya, tigawin n tallalt akked urafeq n wid ilan isenfaren akked yiṛemmasen ilemẓiyen ssawḍen akken ad sɣenwen mennaw n teṛmisin tilemmasin akked tjmejṭaḥ tidiganin, akka yewweḍ umḍan ar 1.572 n teyunin i d-yesɣenwen 6.988 n yimeḍqan n umahil, deg wakk igzumen.

Akken kan i tewwi azarug, tigawt n usnefli i tga Zzayer tezga la d-tettḥettim iman-is deg mennaw n yigzumen n yirmuden n ugezdu-ya ilemẓi, i la yessebɣasen s wayen i yesɛa, ladɣa iɣbula-s igamanen, mennaw n yiṛemmasen akken ad asen ɣer-s yerna ad ssḍrun isenfaren-nsen.

Akka, Awanak ur icuḥ ara i wussisen-is akken ad yeg amirew-a n tallalt i teṛmisin yellan deg temnaḍt, aya s usersi n yiwet n taffa n yikaten yessebɣasen akked userreḥ n mennaw n yisenfaren ixataren, ɣef umedya serḥen i 11 n yisenfaren n usnefli i yessawḍen s aseǧhed n temguri tadigant akked tɣelnawt.

Tasetratijit-a n wanaḍ n tdamsa taɣelnawt yegla-d s tukksa n wuguren i yiwen n usenfar teḥwaǧ aṭas temnaḍt-a, wa d lluzin n ufares akked usefsi n wuzzal i d-yezgan deg usun n Timisin, ara yebdun irmuden-is deg wayyur n ctember i d-iteddun, s yiwen n ufares n 200.000 n yiṭunen i suggas n yifarisen yemgarden n wuzzal. Ur yettɛeṭṭil ara, lluzin-a ad tessiweḍ s aseɣnew, anda ma ulac, 450 n yimeḍqan n umahil usriden, ɣef wakken i d-tenna tmehla n Temguri.

Aẓeḍwu amguran adigan ad yettwaseǧhed daɣen s snat n lluzinat, tamezwarut d lluzin n llajur, tla yiwen n ufares aseggasan n 200.000 n yiṭunen, akked yiwet-iḍen n lǧir, tesɛa yiwen n ukettur deg ufares n 200 n yiṭunen i wass.

Tamguri n tgella ula d nettat la tgemmu deg temnaḍt-a, la d-sseḍrayen yiwet n teyunt n ufares n seksu. Ters teyunt-a deg yiwet n lluzin tamgurant akked tnezzut n tegrawt n teṛmisin n temguri n tgella « Agrodiv », tayunt-a, tettenqam-d 800 n yimelyunen n yidinaren, ad tfares, akken kan ara tqelleɛ deg teggara n useggas n 2023, 288 n yiqenṭaren n seksu i wass, ad tesseɣnew 130 n yimeḍqan n umahil. Azwil n uweẓlu-s aseggasan ad yaweḍ ar 411 n yimelyunen n yidinaren, i d-wekkden yimasayen n usqenfar-a.

Deg tmuɣli-ya n wussisen n usihrew n tigawin tidamsanin akked uselhu n uzwu n usidrem, d ussisen imeqqranen i gan yiduba idiganen, yeddan d tayuga akked tsetratijit n Uwanak n usmal n tdamsa taɣelnawt, i usefreg-is, degtenbazin yemgarden n ugezdu n Tuggurt, akked wasunen-imezzyanen n yirmuden akked usgalef-nsen akken yessefk akken ad ilin d akatar yelhan i yisenfaren akked teṛmisin n yixulaf imejṭaḥ.

Deg yiwet n tmuɣ n uciri n tidet n usidrem, imeẓla-nni gan, deg ukatar n uṣeggem akked uzizdeg n wakal amguran, rran-d yiwet n tjumma n 42 ha i ur smahlen ara imawlan-is, sakkin fkan-ten i yimdanen-iḍen i izemren ad sseḍrun isenfaren-nsen akken ad ttekkin deg useddu n tdinamit n usidrem deg temnaḍt-a.

 

-- Aqelleɛ s urured ameqqran n yiwen n ugezdu amaynu --

Tuggurt, d yiwet seg gar mraw temnaḍin i ssulin s aswir n ugezdu ilan adabu yemmden, d aɣtas n uselway n Tegduda, Mass Abdelmadjid Tebboune, i lmend n usaḍuf yerzan agzam n wakal n tmurt, tettkel ad teḍmen aqelleɛ azuzad i lmen n wayen tesɛa n yibaɣuren, ladɣa wid yellan deg ugama.

Temmesla Tnegga n Yisalan n Lezzayer akked yiɣermanen, aṭas i iferḥen mi walan tamnaḍt-nsen tuli s aswir n ugezdu, gar-asen Soumaya Karboussa, d tamslaḍt n tiddukkla « Bacayer Al Ɛulum wa Lmeɛrifa » n wasun Lmeggarin, i yessarmen ad twali agezdu-s yesɛa isenfaren n usnefli i la ttraǧun akk yimdanen yerna ad rren i ɣef yisutren inmettiyen akked yidamsanen.

Terna tenna-d daɣen, deg yiwet n tmuɣli, Nozha Tidjani, d tamaslaḍt n tɣamsa n Tuggurt, tessegzi-d dakken gar yisenfaren isemṣaken i llan la ten-ssaramen yimdanen n temnaḍt, gar-asen asegnaf n « 320 n wusuten » i llan ttraǧun ugar acku ad yallen aṭas imuḍinen.

Tessarem daɣen ad twali tadinamit-a n usnefli ad ḥaz agzum n uselmed unnig, s useḍru n tesdawit i lmend n tilin n usegrer yessefken, acku yellan wugar n 300 n yiselmaden isdawanen.

« Aɣtas n usmal n Tuggurt s aswir n ugezdu ad yesɛu yiwet n tusurt ɣef tmeddurt n yimdanen n temnaḍt », i tettwali massa Tidjani, tezzireg-d ɣef tixxutert n useɣnew, deg wasun n yirmuden, yiwen n « usagen akiwan » ara yesmeɣren, ɣef wakken i tettwali, awlelleɣ adamsan adigan ad yili d assaɣ gar yigezda n ugafa akked wid n unẓul.

Seg yidis-is, Lakhdar Souilem, d amaslaḍ deg umussu n tiddukkliwin n temnaḍt, yenna-d dakken « yumar » s usmal i teklal temnaḍt ma nwala ɣer yiketturen imeqqranen n usnefli i d-yeḍran iseggasen-a ineggura.

Amulli wis 60 n uzarug : Tuggurt, d igazen imeqqranen i usnefli adamsan
  Yeffeɣ-d ass n : Asamas, 24 Yulyu 2022 15:26     Taggayt : TIMNAḌIN     Ɣran-t : 8 n tikkal   Bḍu