Menu principal

Menu principal

Tifranin timuranin n tɣiwanin deg Bgayet akked Tizi Wezzu : Acegger asurfan n wumuɣen ifrananen seg 20 ar 28 yulyu

Yeffeɣ-d ass n : Asinas, 19 Yulyu 2022 15:28   Ɣran-t : 2 n tikkal
Tifranin timuranin n tɣiwanin deg Bgayet akked Tizi Wezzu : Acegger asurfan n wumuɣen ifrananen seg 20 ar 28 yulyu

ZZAYER  TAMANEƔT – Yenna-d Udabu aɣelnaw amzarug n tefranin, ass n uynas (letniyen) deg yiwen n ulɣu, dakken tawal n ucegger asurfan n wumuɣen ifrananen i tefranin timuranin ara d-yeḍrun ass n 15 tuber i d-iteddun deg sḍis (6) n tɣiwanin yellan deg ugezdu n Bgayet akked Tizi Wezzu, ad teldi seg 20 yulyu ar 28 yulyu 2022.

« Am wakken i d-yers deg tanaḍt taselwayant Uṭṭun 22-266 n Du Lḥuǧǧa 1443 i d-yemmezgen akked 17 yulyu 2022, yerzan tubbka n tfekka tafranant i tefrant tamurant n yinesɣuma n kra n Yigrawen iɣerfanen n tɣiwanin ara d-yeḍrun ass 15 tuber 2022, ad yesselɣu Udabu aɣelnaw amzarug n tefranin iɣermanen akked tɣermanin dakken tawala n ucegger tamurant n wumuɣen ifrananen yellan deg tɣiwanin terza temsalt ad teldi seg 20 yulyu 2022 ar 28 yulyu 2022 », i d-yesseddi Udabu-nni.

I lmend n waya, yerna yenna-d ulɣu, « iɣermanen ur nettwasiggez ara deg wumuɣen ifrananen, ladɣa wid yessawḍen deg leɛmer-nsen mrawtam (18) n yiseggasen neɣ ugar ass n udɣar, ass 15 tuber 2022, yessefk ad ssiggzen iman-nsen deg tesmilt taɣiwanant n ucegger n wumuɣen ifrananen deg tɣiwant ideg zedɣen, yersen ddaw leɛnaya n Udabu aɣelnaw amzarug n tefranin ».

Yesseddi-d Udabu aɣelnaw amzarug n tefranin dakken tinariyin n tesmilt n tɣiwant n ucegger n wumuɣen ifrananen « ad ilint ldint yal ass n yimalas seg usrag wis tẓa (9) n tnezzayt alamma d wis 16:30, anagar ass n usimwas (lǧemɛa).

Last modified on Akwas, 21 Yulyu 2022 11:30
Tifranin timuranin n tɣiwanin deg Bgayet akked Tizi Wezzu : Acegger asurfan n wumuɣen ifrananen seg 20 ar 28 yulyu
  Yeffeɣ-d ass n : Asinas, 19 Yulyu 2022 15:28     Taggayt : TIMNAḌIN     Ɣran-t : 2 n tikkal   Bḍu