Menu principal

Menu principal

Blida : d ussisen imezgiyen n Uwanak akked tiddukliwin akken ad bedden ɣer yidis n yigerdan imeɛdar

Yeffeɣ-d ass n : Asiḍyas, 04 Dujembeṛ 2021 15:39   Ɣran-t : 0 n tikkal
Blida : d ussisen imezgiyen n Uwanak akked tiddukliwin akken ad bedden ɣer yidis n yigerdan imeɛdar

BLIDA – D tixxutert tameqqrant i tefka tmehla n tigawt tanmettit akked temsetlelt n Blida, i usgensu n yigerdan imeɛdar deg yiɣerbazen menwala neɣ deg wammasen yemmuzgen. D yiwet n tikli i ḍemnent teddukliwin yemgarden yellan deg teɣult-a.

« Iban-d wussis-a deg unnar s usteklef s wugar n 1000 yigerdan yuḍnen tafekka-nsen neɣ leɛqel-nsen (tiggugemt neɣ tidderɣelt), aya deg kraḍ n wammasen yemmuzgen akked temsukin n usegmi n ugezdu », i d-tenna Massa Meriem Otbi, d taɣellat n umeẓlu n wammasen yemmuzgen, i lmend n usfugel n Wass agraɣlan n yimdanen imeɛduren (3 dujember).

Tezireg-d, i lmend n waya, dakken amḍan n yigerdan imeɛdar n leɛqel i yis-sen setkelfen wammasen yemmuzgen « yekka-d nnig n tezmert-nsen, aya deg yiwen n yiswi n tikci i wakk yigurdan imeɛdar tazmert akken ad lemden ɣef leḥsab n tezmert-nsen, yerna ur yessefk ara ad ten-neǧǧ deg wumuɣ n uraǧu », i d-tenna.

Terza temsalt, ɣef wakken i d-tenna Massa Otbi, 619 n yigerdan (yesɛan deg leɛmer-nsen seg gar 3 ar 18 n yiseggasen) uḍnen aṭan n leɛqel, ur zmiren ara ad ilin deg tneɣriyin menwala, bḍan-ten ɣef wammasen n Muẓaya (Ataram), yermes 319 n yibalmuden, ammas n Bwinan 206 n yibalmuden, aya tazmer-is ur tekka ara nnig n 120 n yimeḍqan, akked wammas n Larebɛa yesɛa 94 n yigerdan.

Last modified on Aynas, 20 Dujembeṛ 2021 15:31
Blida : d ussisen imezgiyen n Uwanak akked tiddukliwin akken ad bedden ɣer yidis n yigerdan imeɛdar
  Yeffeɣ-d ass n : Asiḍyas, 04 Dujembeṛ 2021 15:39     Taggayt : TIMNAḌIN     Ɣran-t : 0 n tikkal   Bḍu