Menu principal

Menu principal

Seg yisehwa n Qsenṭina akked Lberǧ Baǧi Lmexttar, yerna-d win n Tɣerdayt

Yeffeɣ-d ass n : Asamas, 11 Yulyu 2021 15:56   Ɣran-t : 1 n tikkal
Seg yisehwa n Qsenṭina akked Lberǧ Baǧi Lmexttar, yerna-d win n Tɣerdayt

LEZZAYER  TAMANEƔT – Ur wwiḍen ara 48 n yisragen seg yisehwa i d-yeḍran deg Qsenṭina akked Lberǧ Baǧi Lmexttar, i d-yeglan s tmettant n 27 n yimdanen, terna-d twaɣit-iḍen, deg yiḍ n wass n Usiḍyas (ssebt) ar win n Usamas (lḥedd), deg ubrid seg gar wiyaḍ n ugezdu n Tɣerdayt, yegla-d s tmettant n 9 n yimdanen akked 32 nniḍen d imejraḥ, ɣef wakken i d-yers deg tecrawt n leɛḍil n yimsukksen.

Liḥala ideg d-yeḍra usehwu-a n ubrid, i d-yesseɣlin leḥzen, tikkelt-iḍen, ɣef twaculin tizzayriyin, mazal ur ten-neẓri ara taswiɛt-a, teldi yiwet n tsestent n yimeẓla n tɣellist akken ad banent ssebbat yessawḍen s aya.

Ɣef wakken i d-nnan yimeẓla n umesten aɣarim i yuznen ɣer din tiɣlamin-is n usukkes, teḍra-d twaɣit-a deg yiḍ n wass n Usiḍyas (ssebt) ar win n Usamas (lḥedd) deg wazal n smumraw (50) n yikilumitren seg temdint n Tɣerdayt, s tseddi deg uḥric n ubrid i d-yezzin ɣef yiɣzer n Mẓab, ɣef ubrid aɣelnaw uṭṭun 1.

Yeḍra-d usehwu-a n ubrid gar yiwen n usakal n umesni n yimessiklen, yeṭṭfen agellus Mneya ar Lezzayer, akked yiwen n usbabbay i d-iɛebban tidellaɛin.

Seg yisehwa n Qsenṭina akked Lberǧ Baǧi Lmexttar, yerna-d win n Tɣerdayt
  Yeffeɣ-d ass n : Asamas, 11 Yulyu 2021 15:56     Taggayt : TIMNAḌIN     Ɣran-t : 1 n tikkal   Bḍu