Menu principal

Menu principal

Yennayer 2971 : Deg Tbatent ara d-ḍrun yirmuden unṣiben n useggas amaynut amaziɣ

Yeffeɣ-d ass n : Lexmis, 07 Yennayer 2021 22:18   Ɣran-t : 675 n tikkal
Yennayer 2971 : Deg Tbatent ara d-ḍrun yirmuden unṣiben n useggas amaynut amaziɣ

LEZZAYER  TAMANEƔT - Ad ciren irmuden unṣiben n Yennayer, ass amenzu n useggas amaziɣ, seg wass n usimwas (lǧema) d afella deg Tbatent ddaw leɛnaya n Usqamu unnig n timmuzɣa, tameɣra-s aseggas-a ad tili deg wakk Lezzayer ɣer yidis n waṭan n Unfafad Bu Tesmert (Covid-19).

D tameɣra n lejdud yerzan akk iɣerfan n Tefriqt n Ugafa, asfugel unṣib n umenzu n Yennayer yettili-d yal 12 yennayer deg Lezzayer seg useggas n 2018.

Aqelleɛ unṣib n yirmuden n umenzu n Yennayer ad yili ass n usimwas (lǧema) seg tmaneɣt n wawras i iremsen alamma d ass 12 yennayer, yiwen n wahil abaɣur n yirmuden idelsanen i yesgerwen tizikknin, imyigren iseklanen akked yisaragen isnetlanen ɣef yidles akked tutlayt tamaziɣt.

Ad tili yiwet n tmesrit n yidles akked ugetmidya deg Buzina, anẓul agemmuḍan n Tbatent, rnu-as tanemselt ɣef tegsarut, yiwet n tzikkent n yifarisen n tinḍi akked tẓuri n uniwel ansayan akked yihanayen n uẓawan akked ccna ansayan n yimaziɣen.

Asqamu unnig n timmuzɣa isers deg wahil-is daɣen yiwen n umyiger ussnan ɣef useɣnew aẓuran ladɣa tagsarut, amezgun akked uẓawan.

Last modified on Ssebt, 23 Yennayer 2021 23:42
Yennayer 2971 : Deg Tbatent ara d-ḍrun yirmuden unṣiben n useggas amaynut amaziɣ
  Yeffeɣ-d ass n : Lexmis, 07 Yennayer 2021 22:18     Taggayt : TIMNAḌIN     Ɣran-t : 675 n tikkal   Bḍu